«ДАР ҶАВОНӢ ДОР ПИРОНРО АЗИЗ…». Маъюбону нафақахӯрон аз мавзеъҳои таърихии шаҳри Ҳисор боздид намуданд
ДУШАНБЕ, 09.03.2023 /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Душанбе ва Мақомоти иҷроияи ҳокимияти давлатии шаҳри Ҳисор 70 нафар маъюб ва шахсони бесаробоне, ки дар Маркази минтақавии хизмати иҷтимоӣ ба нафақагирон ва маъюбони шаҳри Душанбе таҳти парасторӣ қарор доранд, ба шаҳри Ҳисор рафта, дар Мамнуъгоҳи таърихию фарҳангии Ҳисор бо Қалъаи Ҳисор ва ёдгориҳои таърихии ҳудуди он шинос гардиданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Маркази мазкур дар даврони соҳибистиқлолии ҷумҳурӣ бо ҳидояти Пешвои миллат муҳтарам Эмомалӣ Раҳмон таъсис ёфта, ҳамарӯза дар он барои наздик ба 100 нафар шахсони дар ҳолати душвори зиндагӣ қарордошта дар самтҳои маишӣ, тиббӣ, равонӣ, педагогӣ ва ҳуқуқӣ хизматрасонии иҷтимоӣ анҷом дода мешавад.
Меҳмононро дар регистони Қалъаи Ҳисор намояндагони мақомоти иҷроияи ҳокимияти давлатии шаҳр ва ҳунармандони бахши фарҳанг бо садои карнаю сурнай пешвоз гирифта, масъулони мамнуъгоҳ бо ёдгориҳои таърихии он шинос намуданд.
Идомаи сафари меҳмонон дар маркази шаҳр ҷараён гирифта, роҳбарияти шаҳри Ҳисор дар ҳавлии меҳмонхонаи «Усто Набот» меҳмононро пазироӣ кард.
Меҳмонон изҳор доштанд, ки сафарашон ба шаҳри Ҳисор хотирмон ва фаромӯшношуданӣ аст.
АКС: Мақомоти иҷроияи ҳокимияти давлатии шаҳри Ҳисор
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
