Дар Душанбе корҳои омодагӣ ба Ҷашни байналмилалии Наврӯз оғоз шуд

Март 13, 2023 16:11

ДУШАНБЕ, 13.03.2023. /АМИТ «Ховар»/. Бо мақсади амалӣ намудани қарорҳои дахлдори Раиси шаҳри Душанбе муҳтарам Рустами Эмомалӣ ҷиҳати дар сатҳи зарурӣ баргузор намудани чорабиниҳои ҷашнӣ ба истиқболи Наврӯзи байналмилалӣ, аз ҷумла Гӯштини байналмилалӣ барои дарёфти Ҷоми Раиси шаҳри Душанбе, Мусобиқаи байналмилалӣ оид ба қаиқронӣ, Фестивали байналмилалии Наврӯз ва Фестивали дӯстии ҷавонон ҷаласаи корӣ доир карда шуд. Дар ин хусус ба АМИТ «Ховар» дар шуъбаи иттилоотии дастгоҳи Раиси  шаҳри Душанбе хабар доданд.

Дар маҷлис масъалаҳои марбут ба таҷлили чорабиниҳо бахшида ба ҷашнҳои дарпешистода, аз ҷумла баргузории Мусобиқаи байналмилалӣ оид ба қаиқронӣ дар шаҳри Душанбе, инчунин Мусобиқаи 4-уми байналмилалии «Гӯштингирӣ» барои дарёфти «Ҷоми Раиси шаҳри Душанбе» бахшида ба Ҷашни байналмилалии Наврӯз-2023, Фестивали сеюми дӯстии ҷавонон таҳти унвони «Ҷавонон-пайравони Пешвои миллат ва меросдори анъанаҳои наврӯзӣ» ва Фестивали бозиҳои миллии варзишӣ дар майдончаҳои варзишӣ мавриди баррасӣ қарор дода шуд.

Гуфта шуд, ки ҳамасола дар тамоми манотиқи мамлакат, бахусус шаҳри Душанбе дар арафаи ҷашни аҷдодии Наврӯз мусобиқаҳои варзишӣ, ҳамоишҳои байналмилалӣ ва дигар барномаҳо бо шаҳомати хосса баргузор карда мешаванд.

АКС: Шуъбаи иттилоотии дастгоҳи Раиси шаҳри Душанбе

 

Март 13, 2023 16:11

Хабарҳои дигари ин бахш

Дар Душанбе Фестивали яхмос ва обҳои ташнагишикан баргузор мегардад
«ТОҶИКИСТОН ВАТАНИ АЗИЗИ МАН». Дар Душанбе даври шаҳрии озмуни ҷумҳуриявӣ оғоз шуд
ДУШАНБЕ — ШАҲРИ МУОСИР. Суратгузориш аз зебогиҳои пойтахти Тоҷикистон
«ҲУНАР ОМӮЗ…». Дар Душанбе даври шаҳрии озмуни ҷумҳуриявӣ ҷамъбаст гардид
«ҶОМИ РАИСИ ШАҲРИ ДУШАНБЕ». Дар пойтахт мусобиқаи кушод оид ба футболи хурд баргузор мешавад
«ЭКО ТАКСӢ». Дар Душанбе боз як ширкати мусофиркашонӣ ба фаъолият оғоз намуд
27-СОЛАГИИ РӮЗИ ВАҲДАТИ МИЛЛӢ. Қарори Раиси шаҳри Душанбе барои баргузории барномаҳои идона ба имзо расид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд
«ҲУНАР ОМӮЗ…». Дар шаҳри Душанбе даври дуюми озмуни ҷумҳуриявӣ баргузор мегардад
То 1 сентябри соли 2025 ҷамъиятҳои хизматрасонии нақлиётии мусофиркашонии Душанбе пурра ба низоми нақлиёти барқӣ мегузаранд
Дар Душанбе Рӯзи ҷаҳонии ҳифзи муҳити зист таҷлил карда шуд
«КОХИ НАВРӮЗ»-МУЪҶИЗАИ МУОСИРИ САЙЁҲӢ. Ва ё шоҳкории даврони истиқлол, ки бо иқдоми Президенти Тоҷикистон бунёд шудааст