Дар мақомоти милитсияи шаҳри Душанбе занон дар таъмини тартиботи ҷамъиятӣ саҳми арзишманд мегузоранд
ДУШАНБЕ, 08.03.2023. /АМИТ «Ховар»/. Ба муносибати таҷлили Рӯзи Модар 7 март дар Раёсати Вазорати корҳои дохилӣ дар шаҳри Душанбе чорабинии тантанавӣ доир гардид. Дар чорабинии мазкур роҳбарияти Раёсат, корманд-занони мақомоти милитсияи пойтахт, собиқадорон ва ҳайати шахсии мақомоти милитсия иштирок намуданд. Дар ин хусус ба АМИТ «Ховар» дар Вазорати корҳои дохилӣ дар шаҳри Душанбе хабар доданд.
Роҳбарияти Раёсати Вазорати корҳои дохилӣ дар шаҳри Душанбе доир ба ғамхориву таваҷҷуҳи ҳамешагии Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои Раиси шаҳри Душанбе муҳтарам Рустами Эмомалӣ нисбат ба баланд бардоштани мақому мартабаи занону модарон дар ҷомеа изҳори назар намуд.
Таъкид карда шуд, ки тайи солҳои соҳибистиқлолӣ дар Ҷумҳурии Тоҷикистон ба дастгирии давлатии занон ва ташаббусҳои созандаи онҳо диққати махсус равона гардида, пайваста кӯшиш ба харҷ дода мешавад, ки ин нерӯи созанда ва қишри фаъоли ҷомеа ба рушди устувори мамлакат сафарбар карда шаванд.
«Ин аст, ки сол то сол мақому мартабаи занону модарон дар ҷомеа баланд гардида, дар сохторҳои гуногуни мақомоти давлатӣ, аз ҷумла мақомоти ҳифзи ҳуқуқ сафи занони далеру шуҷоъ афзоиш ёфта, ҷиҳати таъмини волоияти қонун ва ҳифзи суботу оромии кишвар, кору фаъолият намуда истодаанд», — тазаккур дода шуд дар чорабинӣ.
Ҳамзамон гуфта шуд, ки дар мақомоти милитсияи шаҳри Душанбе занон дар вазифаҳои гуногуни пурмасъулият кору фаъолият намуда, дар таъмини тартиботи ҷамъиятӣ ва сулҳу оромӣ саҳми арзишманди худро мегузоранд.
Аз ҷониби роҳбарияти Раёсати Вазорати корҳои дохилӣ дар шаҳри Душанбе зиёда аз 130 нафар корманд-занони милитсияи пойтахт ва собиқадорон бо Ифтихорномаву Сипоснома ва мукофотпулиҳо қадрдонӣ карда шуданд.
АКС: Раёсати Вазорати корҳои дохилӣ дар шаҳри Душанбе
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
