Донишгоҳи давлатии ҳуқуқ, бизнес ва сиёсати Тоҷикистон ҳамкорияшро бо донишгоҳҳои Узбекистон густариш медиҳад
ДУШАНБЕ, 16.03.2023 /АМИТ «Ховар»/. Дар доираи Форуми ректорони донишгоҳҳои Ҷумҳурии Тоҷикистон ва Ҷумҳурии Узбекистон байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи иқтисодии шаҳри Тошканд, Донишгоҳи давлатии Фарғона ва Донишгоҳи давлатии Тирмиз шартномаи ҳамкорӣ ба имзо расонида шуд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи донишгоҳи мазкур хабар медиҳад.
Тавре қаблан иттилоъ додем, дар шаҳри Душанбе Форуми ректорони донишгоҳҳои Ҷумҳурии Тоҷикистон ва Ҷумҳурии Узбекистон таҳти унвони «Муносибатҳои дуҷонибаи Ҷумҳурии Узбекистон ва Ҷумҳурии Тоҷикистон дар соҳаи таҳсилоти олӣ, илм ва инноватсия ҳамчун асоси рушди иқтисодиёти миллӣ» баргузор гардид.
Дар кори форум Вазири маориф ва илми Ҷумҳурии Тоҷикистон, Вазири таҳсилоти олӣ, илм ва инноватсияи Ҷумҳурии Узбекистон ва роҳбарони сохторҳои илмию таълимии ду давлат иштирок намуданд.
Ҳамин тавр, байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи иқтисодии шаҳри Тошканд, Донишгоҳи давлатии Фарғона ва Донишгоҳи давлатии Тирмиз шартномаи ҳамкорӣ ба имзо расид.
Роҳбарони донишгоҳҳо зимни бастани шартнома изҳори умед карданд, ки минбаъд байни омӯзгорону муҳассилин табодули таҷриба доир шуда, барномаҳои илмиву таҳқиқотӣ, конференсияву ҳамоишҳо ба роҳ монда мешаванд.
Ёдовар мешавем, ки чанд муддат аст, ки Донишгоҳи давлатии ҳуқуқ, бизнес ва сиёсати Тоҷикистон бо Донишкадаи молиявии шаҳри Тошканд шартномаи ҳамкорӣ дорад. Дар доираи ҳамкории дуҷониба бори нахуст факултети муштарак таъсис дода шуд. Ҳоло донишҷӯён аз ду мамлакати дӯст дар шароиту имконияти муосир таҳсил намуда истодаанд.
АКС: Донишгоҳи давлатии ҳуқуқ, бизнес ва сиёсати Тоҷикистон
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
