ФУТБОЛ. Дар Ҳисор Чемпионати CAFA-2023 байни духтарони то 17-сола баргузор мешавад

ДУШАНБЕ, 11.03.2023 /АМИТ «Ховар»/. Аз 12 то 16 март дар шаҳри Ҳисор чемпионати CAFA-2023 оид ба футбол байни духтарони то 17-сола баргузор мешавад. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дар мусобиқа дастаҳои Тоҷикистон, Узбекистон, Эрон ва Қирғизистон иштирок мекунанд.

Дар доираи чемпионати CAFA-2023 байни духтарони то 17-сола дар маҷмуъ шаш бозӣ баргузор мешавад. Ҳамаи рақобатҳо дар Варзишгоҳи марказии Ҳисор доир мегарданд.

Тибқи низомномаи мусобиқот ҳар даста бо ҳамдигар як вохӯрӣ доир мекунад. Дастаи мунтахаби ғолиб аз рӯйи шумораи бештари холҳо муайян карда мешавад.

Барои дастаи мунтахаби Тоҷикистон (U-17) мусобиқаи дарпешистодаи Ассотсиатсияи футболи Осиёи Марказӣ марҳилаи омодагӣ ба даври интихобии Ҷоми Осиё-2024 ба ҳисоб меравад, ки баргузориаш аз 26 то 30 апрел дар Ҳисор ба нақша гирифта шудааст.

Чемпионати CAFA-2023 байни духтарони то 17-сола 

Иштирокчиён: ТОҶИКИСТОН, Узбекистон, Эрон, Қирғизистон.

Даври 1 

12 март (якшанбе)

12:00 – Узбекистон – Эрон

16:30 – ТОҶИКИСТОН – Қирғизистон

Даври 2 

14 март (сешанбе)

12:00 – Қирғизистон – Узбекистон

16:30 – Эрон – ТОҶИКИСТОН

Даври 3 

16 март (панҷшанбе)

12:00 – Эрон – Қирғизистон

16:30 – ТОҶИКИСТОН – Узбекистон

АКС: Федератсияи футболи Тоҷикистон