ХИЗМАТ БА ВАТАН УҲДАДОРИСТ. Дар Прокуратураи ҳарбии гарнизони Душанбе масъалаи даъвати баҳории наваскарон баррасӣ гардид
ДУШАНБЕ, 09.03.2023 /АМИТ «Ховар»/. Дар Прокуратураи ҳарбии гарнизони Душанбе баҳри дар амал татбиқ намудани Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва дар хусуси даъвати навбатии шаҳрвандони солҳои таваллуди 1996-2005-и Ҷумҳурии Тоҷикистон ба хизмати ҳарбӣ» ҷаласа баргузор гардид. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Дар ҷаласа масъулини комиссариатҳои ҳарбии ноҳияҳои шаҳри Душанбе иштирок намуда, зимни муҳокимаи масъалаҳо нахуст ҷараёни даъвати тирамоҳии соли сипаригаштаро мавриди таҳлилу баррасии ҳамаҷониба қарор доданд.
Масъулини Прокуратураи ҳарбии гарнизони Душанбе оид ба баъзе камбудиву норасоиҳои соли гузашта дар ин маъраки муҳими сиёсӣ ошкоршуда ибрози назар карда, таъкид карданд, ки роҳбарони сохторҳои дахлдор дар ҳамкорӣ бо мақомоти дахлдори шаҳриву ноҳиявӣ ба даъвати баҳории соли равон омодагии ҷиддӣ бинанд.
Ҳамзамон дар ҷаласа таъкид гардид, ки масъулин аз роҳҳои ғайриқонунӣ даъват намудани шаҳрвандон худдорӣ намоянд ва барои сифатан хуб ташкилу ба роҳ мондани ин маъракаи муҳими сиёсӣ, дар ин радиф аз байни шаҳрвандони мамлакат интихобу ба сафи Артиши миллӣ фиристодани ҷавонписарони солиму бардам ва болаёқат татбирҳои мушаххас андешанд.
Набояд фаромўш кард, ки хизмат ба Ватан уҳдадорист, на ҳуқуқ! Тибқи талаботи моддаи 43 Конститутсияи Ҷумҳурии Тоҷикистон «Ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси ҳар шаҳрванд аст». Меъёри мазкур ба шаҳрвандони Ҷумҳурии Тоҷикистон дахл дошта, ин рисолатро бояд сарбаландона ва бо ҳисси ватандӯстӣ ба ҷо биёранд. Дар ҳимояи марзу буми мамлакат аз мудохилаҳои дохилию берунӣ саҳми назаррас гузоштан мояи ифтихори ҳар фарди ватандӯст маҳсуб мешавад.
Тавре қаблан хабар додем, 1 марти соли равон Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 Ҷумҳурии Тоҷикистон ба хизмати ҳарбӣ» ба имзо расид. Дар робита ба он аллакай омодагиҳо ҷараён доранд.
АКС: Вазорати мудофиаи Ҷумҳурии Тоҷикистон
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
