Сарвари давлат Эмомалӣ Раҳмон дар шаҳри Гулистон коргоҳи истеҳсоли қолинҳои рӯифаршии тафтингии нақшзадашударо ифтитоҳ карданд

Март 29, 2023 09:55

ДУШАНБЕ, 29.03.2023 /АМИТ «Ховар»/. 29 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Гулистон коргоҳи истеҳсоли қолинҳои рӯифаршии тафтингии нақшзадашударо дар ширкати “Қолинҳои Қайроққум” ифтитоҳ карданд.

Иншооти нав дар масоҳати 20 ҳазор метри мураббаъ бо харҷи 66 миллион сомонӣ мавриди истифода қарор дода шуд.

Фаъолияти корхона ба истеҳсоли маҳсулоти ивазкунандаи воридот равона карда шуда, иқтидори солонаи он 2 миллион метри мураббаъ рӯйпӯшҳои рӯифаршии тафтингии нақшзадашударо дар бар мегирад.

Васеъ шудани имконияти истеҳсолӣ натанҳо барои афзоиши истеҳсоли маҳсулоти ивазкунандаи воридот, балки барои таъмини афзоиши содироти маҳсулот имконият фароҳам овард.

Пешвои муаззами миллат муҳтарам Эмомалӣ Раҳмон бунёди иншооти истеҳсолиро намунаи асосии татбиқи ҳадафи чоруми стратегии давлат арзёбӣ карда, тадриҷан амалишавии иқдомҳоро дар ин самт барои зиёдшавии истеҳсоли маҳсулоти ивазкунандаи воридот ва ба содирот нигаронидашуда муҳиму саривақтӣ арзёбӣ карданд.

Баъди мавриди истифода қарор гирифтани коргоҳи нави истеҳсолӣ 100 нафар сокини маҳаллӣ ба ҷойи кори доимӣ таъмин шуданд. Дар ин ҷо аз ашёи хом баъди 4 марҳилаи коркард маҳсулоти дорои сифати баланд мутобиқ ба дархости муштариён истеҳсол карда мешавад.

То ин вақт дар як сол ба Тоҷикистон 1,5 миллион метри мураббаъ қолинҳои рӯифаршӣ ворид карда мешуд. Ба кор андохтани хатти нави технологӣ дар ширкати “Қолинҳои Қайроққум” имкон медиҳад, ки талаботи бозори дохилӣ пурра қонеъ гардонида шавад ва ҳамзамон содироти ин намуди маҳсулот ба роҳ монда шавад. Технология барои истеҳсоли маҳсулот аз Астрия ворид карда шудааст ва дар Осиёи Марказӣ назир надорад. Акнун иқтидори ширкат ба истеҳсоли 3,5 миллион метри мураббаъ қолин дар як сол расонида шуд.

Ба фаъолият оғоз намудани хатти нави технологӣ дар ширкати “Қолинҳои Қайроққум” барои афзоиши истеҳсоли маҳсулоти ивазкунандаи воридот, васеъ шудани имконияти содиротӣ, таъсиси ҷойҳои нави корӣ, зиёд шудани пардохтҳо ба буҷети давлатӣ ва таҳкими нақши бахши хусусӣ дар рушди иқтисодиёт мусоидат мекунад.

Мавриди истифода қарор гирифтани коргоҳи истеҳсоли рӯйпӯшҳои рӯифаршии тафтингӣ дар доираи амалишавии Барномаи рушди қолинбофӣ дар Ҷумҳурии Тоҷикистон барои солҳои 2021-2025 ба беҳтар шудани дастрасӣ ба маҳсулоти босифати ватанӣ замина мегузорад.

Ҳамчунин дар ҳамин рӯз маҳсулоте, ки дар корхонаи “Қолинҳои Қайроққум” истеҳсол карда мешавад, муаррифӣ карда шуд.

Айни замон дар корхона қолин ва рӯйпӯшҳои рӯифаршӣ бо дизайн, нақшу нигор ва андозаҳои гуногун истеҳсол карда мешавад.

Сарвари давлат муҳтарам Эмомалӣ Раҳмон фаъолияти корхонаи “Қолинҳои Қайроққум”-ро намунаи асосии татбиқи нишондодҳои Барномаи давлатии рушди содироти Ҷумҳурии Тоҷикистон барои солҳои 2021-2025 арзёбӣ карданд.

Ифтитоҳи коргоҳи нав дар назди ширкати «Қолинҳои Қайроққум дар шаҳри Гулистон 29.03.2023

Март 29, 2023 09:55

Хабарҳои дигари ин бахш

Эмомалӣ Раҳмон: Дӯстӣ ва ҳамкории Тоҷикистону Чин дар сухан не, дар амал аст
Шарҳи Амри Президенти Ҷумҳурии Тоҷикистон
Амри Президенти Ҷумҳурии Тоҷикистон
Маҷлиси Ҳукумати Ҷумҳурии Тоҷикистон баргузор шуд
Пешвои миллат Эмомалӣ Раҳмон Муовини сарвазир, Вазири корҳои хориҷии Ҷумҳурии Қазоқистон Мурат Нуртлеуро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Корея Ли Чжэ Мён суҳбати телефонӣ анҷом доданд
Сарвари давлат Эмомалӣ Раҳмон ба намояндагони сохторҳои қудратӣ ва низомӣ мукофотҳои давлатӣ ва унвону рутбаҳои махсус супориданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони НБО «Роғун»
Пешвои миллат Эмомалӣ Раҳмон бо кормандони НБО «Роғун» ва фаъолони шаҳри Роғун мулоқот намуданд
Сарвари давлат Эмомалӣ Раҳмон дар НБО «Роғун» бо ҷараёни корҳои сохтмонӣ дар нақби сохтмонии қабати чорум шинос шуданд
Президенти Ҷумҳурии Тоҷикистон Эмомалӣ Раҳмон бо раванди корҳо дар майдончаи сохтмонии №5А-и НБО «Роғун» шинос шуданд
Пешвои миллат Эмомалӣ Раҳмон бо ҷараёни корҳо дар сарбанди рӯди Оби Шӯри НБО «Роғун» шинос шуданд