«ШАҲРИ БЕХАТАР». Комиссияи ҳукуматӣ омилҳо оид ба таъмини бехатарии ҳаракат дар роҳҳоро баррасӣ кард
ДУШАНБЕ, 01.03.2023 /АМИТ «Ховар»/. 28 феврал дар толори Маркази низоми худкори идоракунӣ дар соҳаи нақлиёт «Шаҳри бехатар»-и Раёсати бозрасии давлатии автомобилии Вазорати корҳои дохилӣ ҷаласаи навбатии Комиссияи Ҳукумати Ҷумҳурии Тоҷикистон оид ба таъмини бехатарии ҳаракат дар роҳҳо доир гардид. Дар ин хусус АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Дар ҷаласа раиси комиссия — Вазири корҳои дохилии Ҷумҳурии Тоҷикистон Рамазон Раҳимзода, муовини раиси комиссия — Вазири нақлиёти Ҷумҳурии Тоҷикистон Азим Иброҳим ва масъулони дигар сохторҳои қудратӣ, идораву кумитаҳои давлатӣ, ки аъзои ин комиссия мебошанд, иштирок намуданд.
Тазаккур дода шуд, ки Вазорати корҳои дохилӣ тайи соли сипаригардида дар ҳамбастагӣ бо дигар корхонаву идораҳо, мақомоти иҷроияи ҳокимияти давлатӣ ва дигар ташкилоту муассисаҳо ва субъектҳои Қонуни Ҷумҳурии Тоҷикистон «Дар бораи ҳаракат дар роҳ» ҷиҳати иҷрои талаботи қонуни мазкур корҳои назаррасро ба анҷом расонид.
Ҳукумати Ҷумҳурии Тоҷикистон пешбурди сиёсати давлатиро оид ба таъмини бехатарии ҳаракат дар роҳҳо дар сатҳи зарурӣ иҷро намуда, ҳамоҳангсозии фаъолияти мақомоти марказӣ ва маҳаллии ҳокимияти давлатӣ, вазорату идораҳо ва ташкилоту муассисаҳоро дар ин самт зери назорати доимӣ қарор додааст.
Дар ҷаласа иброз дошта шуд, ки Вазорати нақлиёт бо дастгириҳои ҳамаҷонибаи Ҳукумати мамлакат баҳри бехатарии ҳаракати воситаҳои нақлиёт дар роҳҳои мошингард пайваста корбарӣ намуда, дар ҳамкорӣ бо дигар вазорату сохторҳои давлатӣ барои боз ҳам беҳтар намудани вазъи роҳҳои мошингард ва таъмини бехатарии иштирокчиёни ҳаракат дар роҳ кӯшиш ба харҷ медиҳад.
Дар ҷараёни ҷаласа масъалаҳо оид ба вазъи роҳҳои мошингарди ҷумҳурӣ, сатҳи паст гардидани ҳодисаҳои роҳу нақлиёт, гузоштани аломатҳо дар роҳҳои нақлиётгард, масоҳати сохтмон ва таҷдиду таъмири роҳҳо, сохтмони долонҳои мошингузар, инчунин омилҳои садаманокӣ дар роҳҳо ва бартарафсозии мушкилоти ҷойдошта дар ин самт баррасӣ карда шуда, таклифу пешниҳодҳои мушаххас ироа гардид.
АКС: Вазорати корҳои дохилии Ҷумҳурии Тоҷикистон
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
