СУТ 9 ҳолати сироятёбӣ аз табларзаи Марбургро дар Гвинеяи Экваториалӣ тасдиқ кард

Март 30, 2023 14:40

ДУШАНБЕ, 30.03.2023 /АМИТ «Ховар»/. Дар Гвинеяи Экваториалӣ нуҳ нафар ба табларзаи Марбург гирифтор шудаанд, ки дар ҳафт маврид натиҷаи ин беморӣ марговар буд. Ин маълумотро рӯзи чоршанбе дар брифинги Женева директори генералии Созмони умумиҷаҳонии тандурустӣ Тедрос Аданом Гебрейесус иброз дошт.  Дар ин хусус  АМИТ «Ховар» бо истинод ба ТАСС иттилоъ медиҳад.

«Теъдоди парвандаҳое, ки дар се музофот расман ба қайд гирифта шудаанд, то ҳол нуҳ нафар буда, ҳафт нафар фавтидаанд, — баён кард ӯ.  Аммо, ин се вилоят аз якдигар дар масофаи 150 км ҷойгиранд, ки интиқоли васеътари вирусро нишон медиҳад». Тавре директори генералӣ иброз дошт, Созмони умумиҷаҳонии тандурустӣ аз ҳолатҳои иловагии табларзаи Марбург огоҳ аст, созмон аз ҳукумати Гвинеяи Экваториалӣ дархост кард, ки ба созмони мазкур дар бораи ин ҳолатҳо расман хабар диҳад.

Хуруҷи вараҷаи Марбург, ки патогенаш ба ҳамон синфе, ки вируси Эбола дар се минтақаи Гвинеяи Экваториалӣ мансуб аст, моҳи феврал рух додааст. Ин вирус ҷони 20 нафарро аз байн бурд. Тибби муосир чунин мешуморад, ки вируси вараҷаи Марбург аз кӯршапаракҳо ба инсон мегузарад. Сипас он тавассути тамоси мустақим бо шахси сироятёфта ба одамон паҳн мешавад. Беморӣ ногаҳон бо таби баланд ва дарди шадиди сар оғоз меёбад. Давоми ҳафт рӯз дар шахсони сироятёфта нишонаҳои таби геморрагӣ инкишоф меёбанд. Фавтнокӣ аз вараҷаи Марбург вобаста ба штамми вирус ва усулҳои табобат аз 24% то 88% — ро ташкил медиҳад.

То ҳол бар зидди ин шакли табларзаи геморрагӣ даво вуҷуд надорад. Табобат ба нигоҳ доштани қувваи ҳаётии бадан вобаста аст. Дар гузашта ҳолатҳои бемории табларзаи Марбург дар Ангола, Ҷумҳурии Демократии Конго, Кения, Уганда, ҶАҶ ва Гана ба қайд гирифта шуда буд. Моҳи март беморӣ дар Танзания авҷ гирифт. Беморӣ аз номи шаҳри Марбурги Олмон гирифта шудааст, ки соли 1967 дар ин ҷо ин намуди вараҷа ба амал омад. Таҳрикдиҳандаи он дар бофтаҳои маймунҳои аз Африқо барои тадқиқоти илмӣ овардашуда мавҷуд буд.

Азиза ИКРОМ,
АМИТ «Ховар»

Акс: СУТ

Март 30, 2023 14:40

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид