Вакилони Парлумони Тоҷикистон дар кори комиссияҳои доимии Ассамблеяи байнипарлумонии Иттиҳоди Давлатҳои Мустақил иштирок намуданд

Март 11, 2023 12:01

ДУШАНБЕ, 11.03.2023 /АМИТ «Ховар»/. Имрӯз дар қароргоҳи Ассамблеяи байнипарлумонии Иттиҳоди Давлатҳои Мустақил таҳти роҳбарии раиси Комиссия, раиси Кумитаи Шӯрои Федератсияи Маҷлиси Федералии Федератсияи Русия оид ба илм, маориф ва фарҳанг Лилия Гумерова ҷаласаи Комиссияи мазкур баргузор шуд, ки дар кори он раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон Насиба Содиқӣ ва намояндаи комилҳуқуқи Маҷлиси Олии Ҷумҳурии Тоҷикистон дар Ассамблеяи байнипарлумонии Иттиҳоди Давлатҳои Мустақил Бахтовар Сафарзода иштирок ва сухан намуданд. Дар ин хусус ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.

Насиба Содиқӣ дар ҷаласа оид ба таҷдиди муқаррароти Қонуни намунавӣ  «Дар бораи асосҳои фаъолияти ҷавонон», лоиҳаҳои қонунҳо дар соҳаи истифодаи зеҳни сунъӣ, дастгирии молиявии фаъолияти инноватсионӣ ва лоиҳаҳои таълимӣ барои мактаббачагон ва олимони ҷавони Иттиҳоди Давлатҳои Мустақил ибрози андеша намуд.

Дар ҷаласа инчунин намояндагони парлумонҳои Озарбойҷон, Арманистон, Беларус, Қазоқистон, Қирғизистон, Русия ва Узбакистон, инчунин кормандони Котиботи Шӯрои АБ ИДМ таҳти роҳбарии Котиби генералии Шӯрои АБ  ИДМ Дмитрий Кобитский иштирок доштанд.

Вакилон ва сенаторҳои Иттиҳоди Давлатҳои Мустақил татбиқи Нақшаи нави қонуни намунавӣ дар ИДМ барои солҳои 2023-2025-ро, ки дар сессияи тирамоҳии Ассамблеяи байнипарлумонӣ дар Самарқанд тасдиқ шудааст, мавриди баррасӣ қарор доданд.

Дар ҷаласа муовини сардори Маркази таҳлили низоми Донишгоҳи давлатии иқтисодии Беларус Виолетта Ладутко дар бораи таҳаввулоти аввалини лоиҳаи қонуни намунавӣ «Дар бораи фондҳои мақсадноки дастгирии фаъолияти илмию техникӣ ва инноватсионӣ» сухан гуфт.

Дар концепцияи лоиҳаи қонун принсипҳои ягонаи ташкил ва фаъолияти фондҳои мақсаднок муайян карда шуда, асосҳои танзими ҳуқуқӣ, роҳҳои ташаккул ва тартиби ҳамкорӣ бо мақомоти давлатӣ инъикос ёфтаанд. Моддаҳои қонуни намунавӣ доираи шахсонеро, ки метавонанд ҳамчун сармоягузор баромад кунанд, муайян намуда, ҳолатҳои манъи истифодаи маблағро номбар мекунад.

Иштирокчиёни ҷаласа инчунин бо корҳо оид ба лоиҳаи таҳрири нави қонуни намунавӣ «Дар бораи фаъолияти илмӣ ва илмию техникӣ» шинос шуданд. Қабули он ба таҳкими ҳамкории олимон дар давлатҳои ИДМ ва баланд бардоштани мақоми субъектҳои фаъолияти илмӣ ва илмию техникӣ дар доираи ҳамкории байналмилалӣ нигаронида шудааст.

Дар ҷаласаи комиссия ҳамчунин лоиҳаи байналмилалии таълимии «Ҷаҳишҳои технологӣ – муҳандисони оянда» муаррифӣ карда шуд. Ҳадафҳои он ташаккул додани малакаҳои истифодаи технологияҳои нави татбиқшаванда аз ҷониби мактаббачагон ва донишҷӯён, мусоидат ба таълими салоҳияти дахлдори технологӣ дар доираи рушди касбҳо ва омода кардани мутахассисон барои бахши воқеии иқтисодиёти мамлакатҳои ИДМ мебошад.

АКС: Маҷлиси намояндагони Маҷлиси Олии Ҷумҳурии Тоҷикистон

Март 11, 2023 12:01

Хабарҳои дигари ин бахш

Ҳайати Тоҷикистон дар ҳамоиш оид ба рафъи бешаҳрвандӣ дар шаҳри Алмаатои Қазоқистон иштирок намуд
Маҳмадтоир Зокирзода бо ҳайати вакилони Думаи давлатии Федератсияи Русия мулоқот намуд
16 июн иҷлосияи чордаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мешавад
Дар Душанбе тақвияти муносиботи байнипарлумонии Тоҷикистон ва Озарбойҷон баррасӣ шуд
МУҲОКИМАИ ПАРЛУМОНӢ. Он ба зиёдшавии андозаи нафақаи заминавӣ ва дигар нафақаҳои амалкунанда бахшида шуд
Намояндаи Парлумони Тоҷикистон дар конфронси байналмилалии илмӣ-амалӣ дар Беларус иштирок намуд
Вакилони парлумони кишварҳои Иттиҳоди Давлатҳои Мустақил лоиҳаҳои қонунҳои намунавӣ дар соҳаи экологияро баррасӣ намуданд
Донишҷӯёни филиали Донишгоҳи давлатии Москва дар Душанбе бо фаъолияти Маҷлиси намояндагон аз наздик шинос шуданд
Дар иҷлосияи Маҷлиси намояндагон ба якчанд қонун тағйиру илова ворид карда шуд
Маҳмадтоир Зокирзода дар кори ҷаласаи сайёри Шӯрои Ассамблеяи парлумонии Созмони Аҳдномаи амнияти дастҷамъӣ дар Минск иштирок намуд
Маҳмадтоир Зокирзода дар мулоқоти иштирокчиёни ҷаласаи Шӯрои Ассамблеяи парлумонии СААД бо Президенти Беларус иштирок намуд
Раиси Маҷлиси намояндагон Маҳмадтоир Зокирзода дар ҷаласаи махсуси Маҷлиси миллии Ҷумҳурии Озарбойҷон иштирок намуд