60 хатмкунандаи Донишгоҳи аграрии Тоҷикистон ба сафи Қувваҳои Мусаллаҳи Тоҷикистон ҳамроҳ гардид
ДУШАНБЕ, 27.04.2023 /АМИТ «Ховар»/. Дар Донишгоҳи аграрии Тоҷикистон ба номи Шириншоҳ Шоҳтемур маросими гусели 60 хатмкунандаи ин донишгоҳ, ки ихтиёран ба сафи Қувваҳои Мусаллаҳи ҷумҳурӣ ба хизмати Модар Ватан мераванд, баргузор гардид. Дар ин хусус ба АМИТ «Ховар» дар донишгоҳи номбурда иттилоъ доданд.
Дар ҷамъомад роҳбарияти Донишгоҳи аграрии Тоҷикистон, муовини Раиси шаҳри Душанбе, муовини Раиси ноҳияи Исмоили Сомонӣ, устодону кормандон, хатмкунандагони ихтиёрӣ, волидони онҳо ва донишҷӯён иштирок намуданд.
Иброз гардид, ки тибқи моддаи 43-и Конститутсияи Ҷумҳурии Тоҷикистон хизмати ҳарбӣ уҳдадории ҳатмии ҳар шаҳрванди Тоҷикистон ба ҳисоб меравад. Дар робита ба он ҷавонони соҳибдилу худогоҳ ва пайравони асили Пешвои миллатро зарур аст, ки дар ҳифзи амнияту осоиштагӣ ва ҳимояи марзу буми мамлакат ҳамеша дар сафи пеши қарор дошта бошанд.
Мояи ифтихор ва сарфарозист, ки соли дуюм аст аз ҳисоби хатмкунандагони Донишгоҳ иддае ихтиёран ба хизмати Модар-Ватан мераванд ва қарзи шаҳрвандии худро сарбаландона адо менамоянд. Ба ин гуна нафарон аз ҷониби ректори донишгоҳ дар раванди таълим ва имтиҳонҳои давлатӣ имтиёз пешбинӣ шуда, пас аз адои хизмат ба таҳсил дар зинаи магистратура ройгон қабул карда мешаванд.
Бо изҳори қаноатмандӣ аз ташаббусҳои раёсат ва донишҷӯёни Донишгоҳи аграрии Тоҷикистон иброз дошта шуд, ки чунин иқдоми ҳайати устодону кормандон ва донишҷӯёну магистрантони Донишгоҳ қобили дастгирӣ аст.
Гуфта шуд, ки муҳофизати Ватан ва марзу буми поки он барои мардуми тоҷик ва аҷдодони мо аз қадимулайём мояи ифтихору нишонаи ҷавонмардӣ маҳсуб мешавад. Ин аст, ки то имрӯз қаҳрамониҳои Спитамену Деваштич, Исмоили Сомониву Темурмалик ва Восеъ барин диловарони миллӣ то ҳол дар саҳифаҳои таърихи мамлакат бо ҳарфҳои тиллоӣ сабт гардидааст.
Дар анҷоми ҷамъомад ба ҳамаи наваскарон дар адои хизмати ҳарбӣ матонату ҷасорат ва дар адои қарзи Ватан садоқату музаффарият таманно карда шуд.
АКС: Донишгоҳи аграрии Тоҷикистон ба номи Шириншоҳ Шоҳтемур
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид
САВГАНДИ САДОҚАТ БА ВАТАН. Дар ҷузъу томҳои Артиши миллии Тоҷикистон маросими савгандёдкунии наваскарон оғоз шуд
Дар Хатлон нақшаи даъват ба хизмати Ватан бори аввал пеш аз муҳлат пурра иҷро гардид
ДАЪВАТИ БАҲОРӢ: Дар Хатлон ин чорабинии муҳими сиёсӣ дар марҳилаи анҷомёбӣ қарор дорад
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
