Ба тарбиятгирандагони Интернати наздимактабии №24 деҳаи Сипонҷи ноҳияи Рӯшон туҳфаҳои Президенти Тоҷикистон тақдим гардид
ДУШАНБЕ, 20.04.2023 /АМИТ «Ховар»/. Туҳфаҳои навбатии Президенти Ҷумҳурии Тоҷикистон муҳтарам Эмомалӣ Раҳмон ба 44 тарбиятгирандаи Интернати наздимактабии №24-и деҳаи дурдасти Сипонҷи Ҷамоати деҳоти Бартанги ноҳияи Рӯшон, иборат аз либоси ягонаи мактабӣ ва варзишӣ тақдим карда шуд. Дар ин хусус АМИТ «Ховар» хабар медиҳад.
Намояндагони Дастгоҳи иҷроияи Президенти Ҷумҳурии Тоҷикистон туҳфаҳоро аз номи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ҳар як тарбиятгиранда тақдим намуданд. Дар ин рӯз дастархони идона ва барномаи рангини фарҳангӣ низ манзури хонандагон гардид.
Дастгирию расонидани кумак ба ниёзмандон, сила намудани сари ятимон, шод намудани дили ранҷурон ва дастгириву нигоҳубини маъюбону шахсони ниёзманд яке аз хислатҳои ҳамидаи мардуми тоҷик маҳсуб шуда, аз фарҳангу тамаддуни пурғановати миллат сарчашма мегирад.
Бояд гуфт, ки давоми 31 соли соҳибистиқлолии мамлакат таваҷҷуҳ ва дастгириҳои давлату Ҳукумати ҷумҳурӣ, хусусан Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ятимону бепарасторон шоистаи таҳсину офарин арзёбӣ гардида, бо мақсади таъмини шароити зиндагии арзанда, рушди баркамол ва соҳибилму бомаърифат гардидани ин табақаи ҷомеа тамоми шароити муосир фароҳам оварда шудааст.
Зимни тақдими туҳфаҳо таъкид карда шуд, ки дар сиёсати имрӯзаи давлату Ҳукумати мамлакат дастирии ниёзмандон ва парастории маъюбону оилаҳои ниёзманд мавқеи муҳим дошта, ҳамасола садҳо ҳазор тарбиятгирандаи мактаб-интернатҳо аз кумакҳои Сарвари давлат бархурдор мегарданд.
Таъкид карда шуд, ки дар марҳилаи имрӯза 44 тарбиятгиранда, ки аз онҳо 21 нафар писар ва 23 нафар духтар мебошад, аз чунин ғамхорӣ баҳравар шуд.
Омӯзгорони Мактаб-интернати №24 деҳаи Сипонҷи Ҷамоати деҳоти Бартанги ноҳияи Рӯшон ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ғамхориҳои падарона дар ҳаққи ятимон миннатдорӣ баён намуда, иброз доштанд, ки Сарвари давлат ҳамеша табиятгирандагонро дастгирӣ намуда, дар ҳар иду ҷашн бо туҳфаҳои арзишманди худ хотири онҳоро шод мегардонанд.
АКС: АМИТ «Ховар»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
