Дар вилояти Хатлон машқҳои муштараки амалиётӣ-стратегӣ доир шуд
ДУШАНБЕ, 20.04.2023. /АМИТ «Ховар»/. Нимаи аввали моҳи апрел бо мақсади ба таври амалӣ санҷидани иҷрои вазифаву уҳдадориҳои ҷангӣ бо ҷалби сохтору мақомоти давлативу қудратии гарнизони Хатлон ва ҷузъу томи Қувваҳои Мусаллаҳи Тоҷикистон ва Пойгоҳи ҳарбии 201-уми Федератсияи Русия ҷамъомади мудофиаи ҳудудӣ, машғулияти омодагии ҷалбкунӣ ва машқҳои муштараки амалиётӣ-стратегӣ ба роҳ монда шуд. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Ин тамрин-машғулияти муҳими ҳарбӣ-сиёсӣ дар 5 марҳила ба таври назариявию амалӣ доир гардида, ҳамзамон дар доираи баргузории ҷамъомади амалиётӣ-ҷалбкунӣ ва мудофиаи ҳудудӣ, ки марҳилаи чоруми ин размоиши низомиро дар бар мегирифт, раисони 25 шаҳру ноҳияи вилояти Хатлон, комиссарони ҳарбӣ, сардорони шуъбаҳои корҳои дохилӣ, Кумитаи давлатии амнияти миллӣ, Ситоди ҳолатҳои фавқулода ва мудофиаи граждании ин минтақаҳо дар пойгоҳи яке аз қисмҳои низомии қӯшунҳои хушкигард ва дар машқгоҳи ҳарбии «Сумбула» ба дарсу таълими гуногуни назариявӣ ва ҷамъомаду машғулияти амалии ҳарбии саҳроӣ ҷалб карда шуд.
Ҷараёни баргузории тамоми амалиёти сохтору мақомоти ба машқҳо ҷалбшуда ва омӯзиши мавзуъҳои ба он пешбинишуда таҳти назорати роҳбарияти Вазорати мудофиа қарор дошта, аз ҷониби масъулини Ситоди генералии Қувваҳои Мусаллаҳ идора мегардид.
Бо ҳамин тартиб даври ниҳоии размоиши муштараки амалиётӣ-стратегӣ дар машқгоҳи «Ҳарбмайдон» бо иштироки Вазири мудофиаи мамлакат, намояндаи ҳавзаи марказии ҳарбии Қувваҳои Мусаллаҳи Федератсияи Русия, масъулини мақомоти иҷроияи ҳокимияти давлатии шаҳру навоҳии вилояти Хатлон, роҳбарони сохторҳои қудративу мақомоти ҳифзи ҳуқуқи ин гарнизон ва дигар шахсони расмӣ ҷамъбасту натиҷагирӣ карда шуд.
Баъд аз тақдими медалу ифтихорномаҳо ва дигар туҳфаҳои хотиравӣ ба иштирокчиёни фаъоли ин чорабинии ҳарбӣ гузашти низомии ҳайати шахсӣ доир шуд, ки он анҷомбахши даври ҷамъбастии машқҳои муштараки амалиётӣ-стратегӣ дар гарнизони Хатлон буд.
АКС: Вазорати мудофиаи Ҷумҳурии Тоҷикистон
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
