ДАЪВАТИ БАҲОРӢ. Дар шаҳри Ҳисор 180 даъватшаванда ба сафи Артиши миллӣ гусел карда шуд
ҲИСОР, 03.04.2023 /АМИТ «Ховар»/. Дар рӯзи аввали даъвати ҳарбӣ аз шаҳри Ҳисор 180 нафар ба таври ихтиёрӣ ба хизмати Ватан ҷалб гардид. Дар ин хусус хабарнигори минтақавии АМИТ «Ховар» Субҳониддини Маҳмуд бо истинод ба Мақомоти иҷроияи ҳокимияти давлатии шаҳри Ҳисор хабар медиҳад.
Ба ифтихори Рӯзи даъватшаванда дар шаҳри Ҳисор бо иштироки 180 даъватшаванда, сарбозону сокинон ва донишҷӯёну муҳассилини муассисаҳои таълимӣ ва аҳли ҷамоат аз назди бинои комиссариат то Кохи фарҳанг тавассути кӯчаҳои Файзулло Абдуллоев ва Тоҷиддин Муҳиддинов зери шиори «Хизмат ба Ватан қарзи фарзандии мост» ва таҳти садои карнаю сурнай роҳпаймоӣ доир гардид.
Дар маҷлиси тантанавӣ, ки бо иштироки даъватшавандагону аҳли ҷамоат дар Кохи фарҳанг баргузор гардид, гуфта шуд, ки «ба туфайли ғамхориҳои Ҳукумати мамлакат, бахусус дастгириву ташаббусҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шароити буду бош ва хизмати аскарон дар қисмҳои низомӣ сол аз сол беҳтар мегардад. Имрӯз Қувваҳои мусаллаҳи ҷумҳурӣ ба яке аз ниҳодҳои тавоною қудратманд дар минтақа табдил ёфтааст. Мо бояд аз қаҳрамонию диловариҳои фарзандони баруманди халқамон, чун Шерак, Муқаннаъ, Темурмалик, Восеъ ва дигар абармардони диловар ифтихор намоем, дар кору амал ба онҳо монанд ва баҳри ҳимояи сарзамини аҷдодиамон ҳамеша омода бошем».
Ҷавонони шаҳри Ҳисор аз мактаби бузурги ватандӯстии қаҳрамонони миллат сабақ гирифта, ин анъанаи неки ниёгонро идома медиҳанд ва бо масъулияти баланди таърихӣ қарзи пурифтихори фарзандии худро сарбаландона адо карда, бо сари баланду рӯи сурх ба назди волидону пайвандони хеш бармегарданд.
Масъулини шаҳр дар ин ҳамоиш ба 115 даъватшавандае, ки курси кӯтоҳмуддати ронандагиро дар Ҷамъияти мададгори мудофиа хатм намудаанд, шаҳодатномаи ронандагӣ тақдим карданд.
Ҳунармандони бахши фарҳанги шаҳр барномаи ҳунариро пешкаши наваскарон карданд. Рақсу шодии наваскарон ва дӯстону волидонашон маъракаи Рӯзи даъватшавандаро рангину хотирмон гардонид.
АКС: Мақомоти иҷроияи ҳокимияти давлатии шаҳри Ҳисор
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
