Каталония аз хушксолии дар даҳсолаи охир сахттарин азият мекашад
ДУШАНБЕ, 05.04.2023 /АМИТ «Ховар»/. Каталонияро хушксолии сахттарин дар даҳсолаи охир фаро гирифтааст. Тавре АМИТ «Ховар» хабар медиҳад, дар ин хусус АБИ «Казинформ» бо истинод ба BBC NEWS иттилоъ додааст.
Обанбори Сау, ки 100 километр дуртар аз Барселона дар дохили мамлакат ҷойгир аст, ним аср боз шаҳрҳои минтақаи шимолу шарқи Каталонияро бо об таъмин мекунад. Аммо моҳҳои охир он ба намоёнтарин рамзи хушксолии шадид дар даҳсолаҳои охир табдил ёфтааст.
Моҳи март агентии обуҳавосанҷии Испания AEMET изҳор кард, ки дар маҷмуъ кишвар ҳанӯз дар ҳолати хушксолии метеорологие қарор дорад, ки беш аз як сол пеш оғоз шуда буд.
Аз ин рӯ, коршиносон аллакай камчинии маҳсулотро ҳам дар Испания ва ҳам дар хориҷи кишвар, инчунин болоравии нархи онҳоро пешгӯӣ мекунанд.
Мақомоти Каталония исрор доранд, ки ояндаи наздик ягон маҳдудияти дигар ҷорӣ нахоҳад шуд. Вале бо наздик омадани тобистон, ҳарорати баланди интизорӣ ва фишори изофӣ ба захираҳои об, ки сайёҳии мавсимӣ талаб мекунад, онҳо эътироф мекунанд, ки ба бадтарин шароит омодагӣ мебинанд.
Азиза ИКРОМ,
АМИТ «Ховар»
Акс: REUTERS
29 июл дар мақомоти иҷроияи ҳокимияти давлатии шаҳри Ваҳдат, ноҳияҳои Шаҳринав ва Сангвор нишасти матбуотӣ доир мешавад
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
