Минтақаҳои шарқии Муғулистонро тӯфони серчангу ғубор фаро гирифт
ДУШАНБЕ, 28.04.2023 /АМИТ «Ховар»/. Рӯзи панҷшанбе музофотҳои Сухбаатор, Хэнтий ва Дорноди шарқи Муғулистонро тӯфони серчангу ғубор фаро гирифт, ки дар натиҷа биниш дар роҳҳо душвор гардид. Дар ин хусус АМИТ «Ховар» бо истинод ба «Синхуа» иттилоъ додааст.
Тавре Институти обуҳавошиносӣ ва назорати муҳити зисти Муғулистон хабар медиҳад, суръати шамол дар минтақаҳои номбаршуда ба 24 м/с расидааст. Интизор меравад, ки дар оянда тӯфони серчангу ғубор қаламрави бештари кишварро фаро мегирад.
Дар робита ба ин, Сарраёсати ҳолатҳои фавқулодаи Муғулистон аз чорводорони бодиянишин даъват кардааст, ки дар чарогоҳҳо тадбирҳои иловагӣ андешанд ва ронандагон бинобар мушкилоти биноӣ дар роҳҳо ҳушёр бошанд.
14 марти соли 2021 бар асари тӯфони шадиди серғубор, ки аксари қаламрави Муғулистонро фаро гирифт, дар вилояти Дундгов дар маҷмуъ даҳ нафар ба ҳалокат расида, беш аз 160 ҳазор сар чорво талаф ёфт.
Азиза ИКРОМ,
АМИТ «Ховар»
АКС аз манбаъҳои боз
«МегаФон Life»: замимае, ки ба он эътимод доранд
Имрӯз дар Тоҷикистон ҳаво то 18 дараҷа гарм мешавад
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
