РӮЗИ ДАРҲОИ КУШОД. Хонандагони муассисаҳои таълимии Шуғнон бо фаъолияти милитсия шинос шуданд
ДУШАНБЕ, 08.04.2023 /АМИТ «Ховар»/. Тибқи нақшаи чорабиниҳои ташкиливу ҳуқуқии Раёсати Вазорати корҳои дохилии Ҷумҳурии Тоҷикистон дар Вилояти Мухтори Кӯҳистони Бадахшон дар мақомоти милитсияи вилоят барои хонандагони муассисаҳои таълимии ноҳияи Шуғнон Рӯзи дарҳои кушод баргузор гардид. Дар ин хусус ба АМИТ «Ховар» дар Раёсати мазкур хабар доданд.
Тавре иттилоъ дода шуд, мақсад аз баргузории чорабинии мазкур- бедор намудани ҳисси ватандӯстиву хештаншиносӣ, ҳувияти миллӣ, огоҳӣ ёфтан аз шароити фаъолияти кормандони милитсия, таҷҳизоти ҳарбӣ ва омода шудан ба хизмати Ватан-Модар мебошад.
Зимни ҳамоиш хонандагони муассисаҳои таълимӣ нахуст бо фаъолияти Дастаи таъйиноти махсуси Раёсати Вазорати корҳои дохилӣ дар Вилояти Мухтори Кӯҳистони Бадахшон шинос шуданд. Дар ин ҷо ҳайати шахсӣ аҳамияти яроқҳои муосир, аслиҳа ва дигар муҳимотеро, ки баҳри таъмини амнияту суботи мамлакат ва хизмат дар сафи Қувваҳои Мусаллаҳи Ҷумҳурии Тоҷикистон истифода мешаванд, ба хонандагон шарҳу тавзеҳ дод.
Зимнан хонандагон бо мошинҳои зиреҳпӯши ҷангӣ шинос шуда, аз тарзи идора намудани онҳо ҳангоми муҳорибаҳои ҳарбӣ, истифодаи чунин нақлиёт дар вақти омодабошии ҳарбӣ ва дигар рукнҳои Артиши миллӣ огоҳ гардиданд. Дар идома хонандагон аз тамоми утоқҳои алоҳида, аз қабили толори варзишии Дастаи таъйиноти махсуси милитсия, ки тамрин ва намудҳои машқҳои махсуси тактикӣ-ҳарбӣ дар он ҷо ба роҳ монда мешавад, дидан карданд.
Барои хонандагон аз ҳама муҳиму диққатҷалбкунанда- ин дидани Маркази камераҳои назоратии шаҳри бехатар буд. Зеро дар ин ҷо камераҳои назоратӣ васл карда шуда, тамоми ҳуқуқвайронкунии шаҳрвандон ва кирдорҳои зиддиҳуқуқии дар ҳудуди шаҳр содиршуда аз марказ назорат ва ба қайд гирифта мешавад.
Чунин чорабиниҳо ҷиҳати омода намудани насли наврас ба хизмат дар сафи Артиши миллӣ мусоидат намуда, онҳоро дар руҳияи муҳаббат ба Ватан ва муқаддасоти миллӣ тарбия менамояд.
АКС: Раёсати Вазорати корҳои дохилӣ дар Бадахшон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
