ТАҒЙИРЁБИИ ИҚЛИМ. Дар Арабистони Саудӣ барф борид

ДУШАНБЕ, 12.04.2023 /АМИТ «Ховар»/. Дар чанд минтақаи Арабистони Саудӣ ба таври ғайричашмдошт миқдори зиёди барф борида, жола ба амал омад. Ноҳияи Ал Баҳа бештар аз дигарон зарар дид, хабар медиҳад АБИ «Казинформ» бо истинод ба хабаргузории «Euronews».

Бисёр роҳҳо баста шуданд, мошинҳо дар барфтӯдаҳо дар монданд. Барои тоза кардани роҳҳо техникаи вазнини сохтмониро баровардан зарур омад.

Раёсати маорифи Ал Баҳа аз донишҷӯён даъват кардааст, ки чанд рӯз дар хона бимонанд ва ба таври фосилавӣ таҳсил кунанд, зеро расидани донишҷӯён ва муаллимон ба муассисаҳои таълимӣ душвор гардидааст.

Ёдовар мешавем, ки моҳи феврал дар Барселона ва ҷазираҳои Балеар барф борид, ки барои ин минтақа ҳодисаи нодир аст.

АКС: «Euronews»