Вакили Парлумони Тоҷикистон дар конфронси байналмилалӣ бо реҷаи фосилавӣ иштирок намуд
ДУШАНБЕ, 06.04.2023 /АМИТ «Ховар»/. 5 апрел вакили Маҷлиси намояндагони Маҷлиси Олии Ҷумҳурии Тоҷикистон Парвина Маликзод дар кори конфронси байналмилалӣ таҳти унвони «Ҳадафҳои рушди устувор ва Конститутсия: таҷрибаи давлатҳои аъзои Созмони ҳамкории Шанхай», ки дар шаҳри Тошканди Ҷумҳурии Узбекистон дар реҷаи фосилавӣ баргузор гардид, иштирок намуд. Дар ин хусус АМИТ «Ховар» бо истинод ба котиби матбуоти Маҷлиси намояндагон хабар медиҳад.
Конфронси мазкур бо ташаббуси Комиссияи конститутсионӣ оид ба ташаккули пешниҳодҳо ва татбиқи чораҳои ташкилӣ доир ба ворид намудани тағйиру иловаҳо ба Конститутсияи Ҷумҳурии Узбекистон дар якҷоягӣ бо институтҳои ҷомеаи шаҳрвандии ин давлат гузаронида шуд.
Дар кори конфронс намояндагони корпуси дипломатӣ, коршиносон ва таҳлилгарон низ иштирок намуданд.
Тавре ки баромадкунандагон изҳор доштанд, мақсад ва вазифаҳои асосии конфронси байналмилалӣ таҳлили муқоисавии инъикоси Ҳадафҳои Рушди Устувор дар конститутсияҳои давлатҳои аъзои Созмони ҳамкории Шанхай ва таҳияи пешниҳоду тавсияҳои дахлдор барои истифода дар ислоҳоти конститутсия дар Узбекистон мебошад.
Баромадкунандагон ҳамчунин роҷеъ ба таъмини ҳамкории самараноки ташкилоти ғайритиҷоратии давлатӣ ва ғайридавлатӣ дар ноил шудан ба ҳадафҳои миллии рушди устувор ва мусоидат ба шиносоии кулли ҷомеаи ҷаҳонӣ бо ислоҳоти конститутсионӣ дар Узбекистон, омодагӣ ва гузаронидани раъйпурсии дар пешистодаи Узбекистон ибрози назар намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Нахустин арзишҳои маънавии инсон, заминаи ҷаҳонбинӣ, ахлоқ ва шуур маҳз аз оғӯши модар ташаккул меёбанд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор шуд
Дар Маҷлиси намояндагон оид ба аҳаммияти гузариш ба низоми дувоздаҳсолаи таълим ҳамоиш доир гардид
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома ба тасвиб расид
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
