ҚАСАМ БА НОМАТ, ЭЙ ВАТАН! Наваскарони қисми ҳарбии Вазорати мудофиаи Тоҷикистон дар ноҳияи Рашт савганди садоқат ёд намуданд
РАШТ, 11.05.2023 /АМИТ «Ховар»/. 9 май дар қисми ҳарбии қӯшунҳои зудамали Вазорати мудофиаи Ҷумҳурии Тоҷикистон дар ноҳияи Рашт гурӯҳи наваскароне, ки зимни даъвати баҳорӣ ба ҳайати ҷузъу томи низомии қӯшунҳои Қувваҳои мусаллаҳ шомил гардидаанд, пас аз омӯзиши даври кӯтоҳмуддат, аз худ намудани тартибу низом ва талаботу қоидаҳои рӯзмарраи хизмати ҳарбӣ дар ҳузури фармондеҳон, падару модарон ва меҳмонон даст ба силоҳ бурда, савганди садоқат ба Ватан ёд карданд. Онҳо қавл доданд, ки вазифаи ҳарбии худро бошарафона ба ҷо меоранд ва озодию истиқлоли давлатро мардонавор муҳофизат мекунанд. Дар ин хусус ба хабарнигори минтақавии АМИТ «Ховар Субҳониддини Маҳмуд дар Мақомоти иҷроияи ҳокимияти давлатии ноҳияи Рашт иттилоъ доданд.
Дар ҷамъомад чун оини ҳарвақтаи низомиён нахуст парчами ҷангии қисми низомӣ вориди майдон гардида, сипас Суруди миллии Ҷумҳурии Тоҷикистон, ки ваҳдату якдилӣ ва осоиштагии миллатро дар худ таҷассум мекунад, садо дод.
Аз ҳайати шахсии наваскарони сафкашида ҳар нафар ба назди афсарони масъули ҷузъу томҳои қисмҳои ҳарбӣ баромада, барои садоқат ба халқу Ватан ва муҳофизати ҳар порча хоки марзу буми аҷдодӣ савганди ҳарбӣ ёд намуд.
Дар ҷараёни баргузории ҳамоиш намояндагони Вазорати мудофиа, роҳбарияти ноҳияи Рашт, роҳбарияти қисми низомӣ ва падару модарон наваскаронро бо ин рӯзи фаромӯшнашаванда табрик намуда, ба онҳо баҳри хизмати софдилона ба Ватан муваффақият таманно намуданд. Наваскарон дар назди ҳозирин бо аҳди ҷавонмардона иброз доштанд, ки софдилонаву содиқона ба халқу Ватан хизмат намуда, дастоварду музаффарияти даврони соҳибистиқлолии Тоҷикистонро муҳофизат менамоянд.
Дар анҷоми ҳамоиш аз ҷониби сарбозони қисми ҳарбӣ машқҳои низомӣ ба намоиш гузошта шуд. Ҳамзамон барои сарбозон дастархони идона ороста шуда, дастаи ҳаваскорони бахши фарҳанги ноҳияи Рашт барномаи ҷолиби консертиро манзури ҳозирин намуд.
АКС: Мақомоти иҷроияи ҳокимияти давлатии ноҳияи Рашт
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
