БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар ноҳияи Балҷувон аввалин бинои панҷошёна ба истифода дода мешавад

Май 8, 2023 12:00

БАЛҶУВОН, 08.05.2023 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар ноҳияи Балҷувони вилояти Хатлон бинои истиқоматии панҷошёна бунёд мегардад.  

Тавре ба мухбири минтақавии АМИТ «Ховар» Сулаймон Холзода масъулини мақомоти иҷроияи ҳокимияти давлатии ноҳия иттилоъ доданд, ин аввалин бинои панҷошёна мебошад, ки барои сокинон сохта мешавад. Пудратчии сохтмон ҶДММ  «Ганҷи дарё» буда, ҳоло бештари корҳои сохтмонии  бино анҷом дода шудааст.

Бино аз 5 ошёна, 42 ҳуҷра, 2 даромадгоҳ  иборат буда, хати обу корез мувофиқи қоида насб гардидаанд. Хонаҳои истиқоматӣ аз 1, 2 ва 3 ҳуҷра иборат мебошанд. Тибқи иттилои  масъулин, бинои истиқоматӣ дар арафаи ҷашни Ваҳдати миллӣ ба истифода дода мешавад.

Дар ноҳия бахшида ба ҷашни 35-солагии Истиқлоли давлатӣ сохтмони 49 иншооти мухталиф ба нақша гирифта шуда, корҳои сохтмонӣ идома дорад. Қаблан 5 бинои истиқоматӣ- 2 сеошёна ва 3 дуошёна барои хизматчиёни давлатӣ сохта шуда буд.

Бояд гуфт, ки давоми солҳои охир бо супоришу дастгириҳои Президенти Тоҷикистон муҳтарам Эмомалӣ Раҳмон ноҳияи Балҷувон ободу зебо гашта истодааст.

          АКС: Мақомоти иҷроияи ҳокимияти давлатии ноҳияи Балҷувон

Май 8, 2023 12:00

Хабарҳои дигари ин бахш

Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд