БАХШИДА БА РӮЗИ ҶАВОНОНИ ТОҶИКИСТОН. Бо афсарону сарбозони шаҳри Бохтар ва ноҳияи Абдураҳмонӣ Ҷомӣ вохӯрӣ доир шуд
ДУШАНБЕ, 16.05.2023. /АМИТ «Ховар»/. Дар доираи Нақшаи чорабиниҳои Моҳвораи ҷавонон бахшида ба Рӯзи ҷавонони Тоҷикистон (23 май) намояндагони Раёсати кор бо ҷавонони дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва масъулини бахши кор бо ҷавонон ва варзиши шаҳри Бохтар дар қисми низомии Вазорати мудофиаи Ҷумҳурии Тоҷикистон, воқеъ дар шаҳри Бохтар бо афсарону сарбозон суҳбату вохӯрӣ анҷом доданд. Дар ин хусус ба АМИТ «Ховар» дар кумитаи мазкур хабар доданд.
Зимни вохӯрӣ изҳор гардид, ки давлату Ҳукумати мамлакат таҳти роҳбарии Сарфармондеҳи олии Қувваҳои Мусаллаҳи Ҷумҳурии Тоҷикистон, Президенти мамлакат муҳтарам Эмомалӣ Раҳмон тайи даврони соҳибистиқлолӣ ба таҳкиму таъмини ҷузъу томҳои Қӯшунҳои мусаллаҳ, фароҳам овардани шароити мусоид барои хизмат ва зиндагии ҳайати шахсӣ таваҷҷуҳи аввалиндараҷа дода, иншооти заруриро бунёд ва ҷузъу томҳоро бо техникаву таҷҳизоти муосир, силоҳу муҳиммоти ҷангӣ ва дигар ашёву лавозимоти ҳарбӣ таъмин намуда истодаанд.
Баъд аз вохӯрӣ байни сарбозон мусобиқаҳои варзишӣ, аз қабили дастхобонӣ, шоҳмоту шашка ва дигар чорабиниҳои варзишӣ ташкил карда шуда, фаъолон бо сипосномаҳои Кумита қадрдонӣ карда шуданд.
Ҳамзамон чунин вохӯрӣ дар қисми низомии Вазорати мудофиаи Ҷумҳурии Тоҷикистон, воқеъ дар ноҳияи Абдураҳмони Ҷомӣ бо афсарону сарбозон доир ва байни сарбозон мусобиқаҳои варзишӣ гузаронида шуд.
Барои насли ҷавон яке аз муҳимтарин мактаби обутоби ҳаёт-ин хизмат дар сафи Қувваҳои мусаллаҳи мамлакат аст. Маҳз дар ҳамин ҷо ҷавонписарон шуҷоату мардонагӣ омӯхта, муқаддастарин арзиши ҳаёт – дӯст доштан ва содиқона муҳофизат кардан ба Ватанро ёд мегиранд. Хизмат дар сафи артиши миллӣ бояд қарзи виҷдон ва ҳаққи фарзандии ҳар ҷавони далер бошад. Муҳофизати Ватан- муҳофизати обу хоки муқаддаси гузаштагони соҳибноми мо мебошад.
Баъд аз мулоқот ба фаъолон ва сарбозону афсарон сипосномаи Кумитаи ҷавонон ва варзиш супорида шуд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
Орзуи миллионер шудан бо ZET-MOBILE воқеъист
Дар қаламрави Тоҷикистон заминларза ба амал омад
ИНТЕРНЕТИ ХОНАГӢ. Тамоми сол бе нигаронӣ ва бидуни пардохтҳои ҳармоҳа!
