Бар асари боронҳои пуршиддат дар якчанд минтақаи Тоҷикистон сел омад
ДУШАНБЕ, 24.05.2023 /АМИТ «Ховар»/. Дар натиҷаи боронҳои шадид дар якчанд ноҳияҳои Тоҷикистон сел омад, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
23 май, соати 19:48 дар деҳаи Варваи Ҷамоати деҳоти Ромити шаҳри Ваҳдат сел ба амал омад, ки дар натиҷа 3 хона зери об монд ва ба 10 қитъаи наздиҳавлигии сокинон зарар расид. Дар ҷои ҳодиса Комиссия оид ба ҳолатҳои фавқулодаи шаҳри Ваҳдат кор бурда истодааст.
«Кормандони масъули дастгоҳи марказии Кумита барои расонидани кумаки амалӣ ба макони ҳодиса рафтанд. Ба шаҳрвандони зарардида кумак дар шакли маҷмуи воситаҳои маишӣ ва беҳдоштӣ расонида шуд»,-иттилоъ дод манбаъ.
Дар ҳамин рӯз, соати 20:30 сел дар километрҳои 5-8 ва 9-ум роҳи мошингарди «Нуробод-Сангвор»-ро баст.
Барои анҷом додани корҳо ҷиҳати рафъи оқибатҳои офати табиӣ кормандон ва техникаи махсуси хадамоти роҳи Вазорати нақлиёти мамлакат ҷалб карда шудааст. Талафоти ҷонӣ нест.
Ёдовар мешавем, ки то 26 май дар Тоҷикистон эҳтимоли фаромадани тарма, сел, ярч, болоравии сатҳи оби рӯдхонаҳо ва обанбор боқӣ мемонад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
