«ЧЕҲРАҲОИ МОНДАГОР». Нашри дуюми асари безаволи Президенти Тоҷикистон дар таҳрири нав ба табъ расид

Май 13, 2023 18:03

ДУШАНБЕ, 13.05.2023 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон нашри дуюми асари безаволи Президенти Ҷумҳурии Тоҷикистон муҳтарам Эмомалӣ Раҳмон «Чеҳраҳои мондагор» дар таҳрири нав бо теъдоди 10 ҳазор нусха аз ҷониби нашриёти «Эр-Граф» рӯйи чоп омад. Дар ин хусус ба АМИТ «Ховар» дар  Маркази таҳия, нашр ва муомилоти китобҳои дарсӣ, илмию методии Вазорати маориф ва илми Ҷумҳурии Тоҷикистон хабар доданд.

Дар нашри нави китоби «Чеҳраҳои мондагор» зиндагиву осори шахсиятҳои тавонову фарзандони бузурги халқи тоҷик, аз қабили Деваштич, Сайфуддини Исфарангӣ, Сайидои Насафӣ, Аҳмади Дониш ва Шамсиддини Шоҳин илова гардида, ба баъзе мақолаҳои дигар низ тағйиру иловаҳои зарурӣ ворид карда шудааст.

Китоби «Чеҳраҳои мондагор», ки дар асоси осори илмиву таърихӣ ва маърузаҳои Президенти Ҷумҳурии Тоҷикистон муҳтарам Эмомалӣ Раҳмон ба зевари табъ ороста шудааст, фарогири рӯзгору осори шахсиятҳои таърихӣ ва фарҳангии ҷумҳуриамон буда, хонандаро бо саҳифаҳои пурифтихори таърихи халқи тоҷик шинос мекунад.

Дар сарсухани китоб Пешвои миллат муҳтарам Эмомалӣ Раҳмон ба зарурат ва муҳиммияти таълифи ин китоб ишора карда, таъкид медоранд: «Рӯ овардани ман ба таърих ва симоҳои барҷастаи халқамон боз ба он хотир мебошад, ки мо бояд ба ояндагон зарурати донистани гузаштаи худро талқин намоем ва онҳоро аз саҳифаҳои дурахшони таърихи миллатамон, ки сабақи бузурги худогоҳӣ мебошанд, огоҳ созем ва дар қалбашон меҳру муҳаббат, садоқату вафодориро бедор намуда, ба онҳо аз ин таърихи пуршараф ифтихор карданро ёд диҳем. Зеро эътиқод ва эътимод доштан ба таърих, фарҳанг ва адабиёт такягоҳи устувори миллат ба шумор меравад».

Ёдовар мешавем, ки нашри якуми китоби «Чеҳраҳои мондагор» соли 2016 ба ифтихори 25-умин солгарди Истиқлоли давлатии Ҷумҳурии Тоҷикистон таҳияву тадвин шуда, аз ҷониби хонандагон дар дохил ва хориҷи мамлакат ба хушнудӣ пазироӣ ёфта буд.

 АКС: Маркази таҳия, нашр ва муомилоти китобҳои дарсӣ, илмию методии Вазорати маориф ва илми Ҷумҳурии Тоҷикистон

Май 13, 2023 18:03

Хабарҳои дигари ин бахш

Дар Душанбе оид ба нақши осори Ҷалолуддини Балхӣ дар ҳамгироии фарҳангии давлатҳо дар шароити ҷаҳонишавӣ конференсияи байналмилалӣ доир шуд
ОБОДИИ ВАТАН АЗ ОБОДИИ МАҲАЛ ОҒОЗ МЕГАРДАД. Дар деҳаи Навободи шаҳри Турсунзода 3 км роҳ навсозӣ карда мешавад
НАМУДҲОИ МИЛЛИИ ВАРЗИШ. Дар Ёвон Фестивали бозиҳои миллии варзишӣ доир гардид
Дар Душанбе Фестивали байналмилалии театрҳои лӯхтак баргузор мегардад
Дар Муассисаи таълимии деҳаи Даҳкати ноҳияи Деваштич синфхонаҳои иловагӣ ба истифода дода шуд
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар шаҳраки Адрасмони Гулистон мумфаршкунии роҳи мошингард оғоз ёфт
ОБОДӢ ДАР МАҲАЛ. Роҳи деҳаи Аҷами ноҳияи Шаҳринав асфалтпӯш гардид
22 СЕНТЯБР-РӮЗИ РӮДАКӢ. Маликушшуаро бо осори гаронбаҳо, сухани равону шево ва дурдонаҳои нодири ашъораш ба адабиёти тоҷик асос гузошт
Дар Консерваторияи миллии Тоҷикистон ҷиҳати таҳқиқ ва тармими созҳои миллии мусиқӣ озмоишгоҳи омӯзишӣ таъсис дода шуд
БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Роғун бинои кӯдакистон ва «Амонатбонк» ба истифода дода мешавад
Камол Насрулло: «Одамушшуаро Абуабдулло Рӯдакӣ мазҳари ифтихор, худшиносӣ ва сарбаландии ҳар фарди бедордили тоҷик мебошад»
Дар Хоруғ ғолибони даври вилоятии Озмуни «Беҳтарин шаҳру ноҳия, шаҳраку деҳот, маҳаллаи аҳолинишин ва хонаи истиқоматӣ» муайян гардиданд