Дар 10 соли охир дар ҷаҳон 152 миллион кӯдак бармаҳал таваллуд шудааст
ДУШАНБЕ, 13.05.2023 /АМИТ «Ховар»/. Соли 2020 13,4 миллион кӯдак бармаҳал таваллуд шуда, тақрибан як миллион нафари онҳо бар асари мушкилиҳо фавтидаанд. Чунин маълумот дар гузорише оварда шудааст, ки муассисаҳои СММ ва шарикони созмон нашр кардаанд. Тавре АМИТ «Ховар» иттилоъ медиҳад, дар ин хусус «АЗЕРТАҶ» бо истинод ба «Новости ООН» хабар додааст.
Маърузаи «Бармаҳал таваллуд шудан: даҳсолаи амал» аз ҷониби Созмони умумиҷаҳонии тандурустӣ (СУТ) ва Бунёди кӯдакони СММ (ЮНИСЕФ) дар якҷоягӣ бо Шарикӣ оид ба ҳифзи саломатии модарон, навзодон ва кӯдакон (PMNCH) – бузургтарин паймони ҳифзи занон, кӯдакон ва наврасон дар ҷаҳон таҳия шудааст. Муаллифони гузориш доир ба ҳолати фавқулодаи марбут ба таваллуди бармаҳал ҳушдор медиҳанд, ки миқёс ва вазнинии он ба назари эътибор гирифта намешавад ва ба пешрафт дар беҳбуди саломатӣ ва зинда мондани кӯдакон халал мерасонад.
Ҳисобот маълумоти навшудаи СУТ ва ЮНИСЕФ — ро дар якҷоягӣ бо мактаби беҳдошт ва тибби тропикии Лондон дар бораи паҳншавии таваллуди бармаҳал дар ҷаҳон дар бар мегирад. Дар маҷмуъ, мувофиқи гузориш, нишондиҳандаҳои таваллуди бармаҳал дар даҳсолаи охир дар ягон минтақаи сайёра тағйир наёфтааст. Дар давраи солҳои 2010-2020 152 миллион кӯдак хеле барвақт таваллуд шудааст.
Таваллуди пеш аз муҳлат — сабаби асосии марги кӯдакон мебошад, ки аз панҷ ҳодисаи марги кӯдакон як ададаш то синни панҷсолагӣ ба он рост меояд. Кӯдаконе, ки норасид таваллуд шудаанд, метавонанд дар тӯли ҳаёти минбаъдаи худ ба оқибатҳои бениҳоят манфии саломатӣ- эҳтимоли маъюбӣ ва ақибмонии рушд дучор оянд.
Сатҳи баландтарини таваллуди бармаҳал дар Осиёи Ҷанубӣ ва Африқо дар самти ҷанубтар аз Сахара мебошад. Кӯдакони норасид дар ин минтақаҳо хатари бештари фавт доранд. Беш аз 65% таваллуди бармаҳал дар саросари ҷаҳон ба ин ду минтақа рост меояд.
Дар пасманзари Конфронси байналмилалӣ оид ба амнияти солимии модарон ва навзодон, ки дар Кейптауни Африқои Ҷанубӣ аз 8 то 11 май баргузор гардид, муаллифони гузориш даъват карданд, ки захираҳои байналмилалӣ ва дохилӣ ба манфиати саломатии модарону навзодон ва таъмини нигоҳубини босифати онҳо ҷалб карда шаванд.
Азиза ИКРОМ,
АМИТ «Ховар»
АКС аз манбаъҳои бо
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
