Дар Академияи миллии илмҳои Тоҷикистон оид ба роҳҳои асосии паҳншавии одамони қадим дар Осиёи Марказӣ машварати илмӣ-амалӣ гузаронида шуд
ДУШАНБЕ, 27.05.2023 /АМИТ «Ховар»/. 25 май дар Академияи миллии илмҳои Тоҷикистон аз ҷониби Институти таърих, бостоншиносӣ ва мардумшиносии ба номи А. Дониши Академияи миллии илмҳои Тоҷикистон таҳти унвони «Роҳҳои асосии паҳншавии одамони қадим дар Осиёи Марказӣ» машварати илмӣ-амалӣ гузаронида шуд. Дар ин хусус ба АМИТ «Ховар» дар Институти таърих, бостоншиносӣ ва мардумшиносӣ хабар доданд.
Дар машварат олимони Донишгоҳи Нанкини Ҷумҳурии мардумии Чин, Институти палеонтология ва палеоантропологияи Ҷумҳурии мардумии Чин, Донишгоҳи давлатии Москва ба номи Ломоносов ва дигарон иштирок намуданд.
Ноиби президенти Академияи миллии илмҳои Тоҷикистон Абдусаттор Саидов оид ба баргузории машварат ва ҳамкории олимони Ҷумҳурии Мардумии Чин, Федератсияи Русия ва дигар мамлакатҳо сухан гуфта, аз дастовардҳои илмии бостоншиносӣ, ки дар натиҷаи ҳамкории муштарак ба даст омадаанд, ёдовар шуд.
Директори Институти таърих, бостоншиносӣ ва мардумшиносии ба номи А. Дониш Насрулло Убайдулло иброз намуд, ки дар натиҷаи ҳамкорӣ бо олимони хориҷӣ дар мавзеъҳои Кӯлдара, Оби Мазор, Хонақоҳ ва Лоҳутии ноҳияи Ховалинг чанд сол аст, ки корҳои геобостоншиносӣ анҷом ёфта истодаанд. Дар натиҷаи корҳои бостоншиносӣ қабати зардхок ва ё қабати асри санг ёфт ва таҳқиқ карда шуд. Ёдгориҳои замони палеолити ноҳияи Ховалинг дар омӯзиши «Роҳҳои асосии паҳншавии одамони қадим дар Осиёи Марказӣ» имконияти хуб ба миён оварда, ба илми таърих назарияи нав ворид намуд.
Олимони хориҷӣ оид ба омӯзиши масоили қабатҳои зардхок дар Ҷумҳурии Мардумии Чин ва Тоҷикистон, оид ба омӯзиши зардхоки давраи палеолит дар Чин, доир ба маълумоти нав аз омӯзиши палеолити зардхоки Осиёи Марказӣ ва пайдарпаии зардхоки давраи палеолит дар ноҳияи Ховалинг маъруза намуданд.
Дар машварат байни мутахассисони соҳа ва иштирокчиён саволу ҷавоб ва муҳокимаронӣ доир шуда, дастовардҳои олимони Институти таърих, бостоншиносӣ ва мардумшиносӣ, инчунин шарикони хориҷии онҳо ҷолиб ва назаррас баҳогузорӣ гардид.
АКС: Институти таърих, бостоншиносӣ ва мардумшиносии ба номи А. Дониш
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
