Дар Душанбе ҳамоиши навбатии илмӣ аз силсилаи маҳфилҳои «Тоҷикони барӯманди Афғонистон» баргузор гардид

Май 25, 2023 19:07

ДУШАНБЕ,25.05.2023 /АМИТ «Ховар»/. «Ҳабибуллои Калаконӣ: Аз айёрӣ то подшоҳӣ» таҳти чунин унвон 24 май дар Маркази мероси хаттии Академияи миллии илмҳои Тоҷикистон бо иштироки донишмандону муҳаққиқони тоҷик ҳамоиши навбатии илмӣ аз силсилаи маҳфилҳои «Тоҷикони барӯманди Афғонистон» баргузор гарид. Дар ин хусус АМИТ «Ховар» бо истинод ба Маркази мероси хаттии Академияи миллии илмҳои Тоҷикистон хабар медиҳад.

Дар оғози ҳамоиш сарходими илмии Академияи миллии илмҳои Тоҷикистон, доктори илмҳои таърих Қосимшоҳ Искандаров тазаккур дод, ки: «Ёдрас намудани шахсиятҳои маъруфи Афғонистон айни ҳол моҳияти бештари сиёсӣ ва умумимиллӣ пайдо мекунад».

Баъдан дар маърузаи илмии худ Қ.Искандаров замон, шароит ва омилҳои шӯриши мардумии Афғонистонро дар соли 1929, сабабҳои шикасти он ва сабақҳои таърихии бедории ғурури миллии тоҷикони муқими ин сарзаминро бо далеҳои нави илмӣ баён намуд.

Дар маърузаи худ муҳаққиқи ҳавзаи Осиёи Марказӣ Умед Назаров аз саҳми Ҳабибуллои Калаконӣ (1890-1929) дар таъмини ваҳдати мардуми Афғонистон, муборизаи халқи тоҷик барои истиқлолияту озодӣ, ҷанбаҳои илмии шахсияти номбурда, ёдрас шуд. Муҳаққиқ бо таъкид аз ҳаводиси таърихӣ ҷасорати сиёсӣ ва марши озодихоҳии мардумии муборизаҳои Абумуслими Хуросонӣ, Спитамен, Темурмалик ва Восеъро чун хислати зотии тоҷикон дар аҳдҳои гуногун равшан намуд, ки бозёфти тозаи илмӣ буда, пажӯҳиши васеътареро тақозо менамояд.

Ҳамзамон олимон ва сиёсатмадорони Афғонистон Зуҳурӣ, Аҳмад Валӣ Масуъд, муовини раиси Иттифоқи журналистони Тоҷикистон Наҷмиддин Шоҳинбод баъзе аз норавшаниҳои таърихии замони Ҳабибуллои Калакониро васеътар тавзеҳ доданд.

Чунин иқдомҳои Академияи миллии илмҳои Тоҷикистон ва бевосита Маркази мероси хаттӣ дар партави дастуру ҳидоятҳои Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оҳанг, танин ва садои доғи рӯзро фаро мегиранд ва дар бедории шуури худшиносӣ, ташаккули маърифати эҳтиром ба бузургони бостонии мо нақши бориз мегузоранд.

Имрӯз ҷомеаи ҷаҳонӣ аз худхоҳиҳо ва ситамгароии аҳди асрҳои миёнаи ҷунбиши терористии «Толибон» ҳушдор дода, фалокати башарии нобудшавии халқу миллатҳои ғайрипуштии муқими Афғонистонро пешгӯӣ намудааст. Маҳз қутби зулму ситам «Восеи асри 20» — Ҳабибуллои Калакониро ба мубориза водор намуд. Мутаассифона, то ба имрӯз асосҳои илмии шахсияти Амир Ҳабибулло нисбат ба ривоятҳои сиёҳи кучагӣ камтаранд. Бояд аз зеҳни мардум ва ороиши илми ривоятҳои роҳзанӣ, авбошӣ ва бесаводии Ҳабибуллои Калакониро лағв намуд, афзуданд иштирокдорони ҳамоиши илмӣ.

Маврид ба таъкид аст, ки маҳз се сол боз дар хазинаи тилоиии мероси ниёгони мо — Маркази мероси хаттии Академияи миллии илмҳои Тоҷикистон дар радифи эҳё, таҷдид, тармиму манзури мутолиаи умум гардондани мероси хаттии бостонӣ маҳфилу ҳамоишҳои бошукуҳи арзишманди илмӣ баргузор мегарданд.

АКС: Маркази мероси хаттии Академияи миллии илмҳои Тоҷикистон

Май 25, 2023 19:07

Хабарҳои дигари ин бахш

Дар деҳоти Фароби шаҳри Панҷакент ёдгории нави таърихӣ кашф гардид
Пешвои миллат Эмомалӣ Раҳмон: «Мавлоно бо қудрати сухан ва нубуғи эҷодиаш ба ҷаҳониён собит сохтааст, ки тоҷикон воқеан миллати куҳанбунёд, бофарҳанг ва соҳибмаърифат мебошанд»
Пагоҳ Амири Давлати Қатар Шайх Тамим ибни Ҳамад Оли Сонӣ бо сафари давлатӣ ба Ҷумҳурии Тоҷикистон ташриф меорад
«CAFA Nations Cup-2023». Дастаи мунтахаби Тоҷикистон тамринҳои навбатиро дар шаҳри Тошканд доир кард
Дар Суғд маросими савгандёдкунии наваскарони қисми ҳарбии Кумитаи ҳолатҳои фавқулода ва мудофиаи гражданӣ баргузор гардид
Бахшида ба 100-солагии Шоири халқии Тоҷикистон Аминҷон Шукӯҳӣ дар Академияи миллии илмҳо конфронс доир гардид
ИМРӮЗ — РӮЗИ УМУМИҶАҲОНИИ БЕХАТАРИИ МАҲСУЛОТИ ОЗУҚАВОРӢ. Танҳо як ҳолати назарногири риоя накардани ин талабот боиси сар задани бемориҳо ва марги инсонҳо мешавад
«TAJIKISTAN FASHION WEEK». Беш аз 30 тарроҳ маҳсули дастони худро дар Душанбе ба намоиш гузошт
ҶОМИ МИЛЛАТҲОИ АРАБ-2023. Футзалбозони тоҷик аввалин бозии худро бо дастаи мунтахаби Либия баргузор намуданд
СУПОРИШИ ПРЕЗИДЕНТ. Дар ноҳияи Ҷайҳун 500 гектар замин ба гардиши кишоварзӣ дароварда шуд
«Еximbank»-и Корея дар Минтақаи озоди иқтисодии «Кӯлоб» Маркази логистикӣ бунёд менамояд
«ТОҶИКОН» — ОИНАИ ТАЪРИХИ МИЛЛАТ». Дар Хоруғ даври шаҳрии ин озмуни ҷумҳуриявӣ оғоз ёфт

Маводҳои таҳлилӣ