Дар машқгоҳи саҳроии «Фахробод»-и гарнизони вилояти Хатлон машғулияти ротавӣ-тактикӣ доир шуд
ДУШАНБЕ, 01.05.2023 /АМИТ «Ховар»/. Дар машқгоҳи саҳроии «Фахробод»-и гарнизони вилояти Хатлон машғулияти ротавӣ-тактикии ҷузъу томи ҳамлаовари десантии Қӯшунҳои зудамал бо омӯзиши маълумоти иктишофӣ ва коркарду баррасии он аз рӯйи тамсила ё худ макет, ки дар он матлаби машқҳои навбатӣ пешбинӣ гардида буд, оғоз ёфт. Дар ин хусус ба АМИТ «Ховар» дар Вазорати мудофиа ҷумҳурӣ хабар доданд.
Зимни оғози машғулият гурӯҳҳои таъйиншуда пас аз муайян намудани мавзеи ҷойгиршавии душманони шартӣ ба амалиёт шуруъ намуда, иҷрои вазифаҳои ҷангиро дар самти безарар гардонидани душманони эҳтимолӣ амалӣ намуданд.
Ба андешаи масъулин, мақсади асосии ташкилу роҳандозӣ намудани тамринҳои навбатӣ, пеш аз ҳама, баланд бардоштани донишу маҳорати тактикии ҳайати шахсӣ ва омодагии доимии онҳо бар зидди ҳама гуна хатару таҳдиди эҳтимолӣ мебошад. Ин аст, ки зимни машқҳои таълимӣ десантчиёни фазои тактикӣ низ бо парашут ба замин фуруд омада, дар доираи уҳдадориҳои низомии хеш вазифаҳои дар ҷараёни машқҳо бар дӯш доштаро муваффақона иҷро намуданд.
Дар ин тамринҳо ҳайати шахсии ҷузъу томи десантӣ бо истифода аз авиатсия, техникаҳои вазнини зиреҳпӯши ҷангӣ, мошинҳои махсуси зиреҳдор ва дигар силоҳу муҳиммоти ҳарбӣ вазифаҳои ба онҳо вобастаро сарбаландона амалан коркард намуданд.
Зимни ҷамъбасти машғулияти ротавӣ-тактикии десантчиён масъулини Вазорати мудофиа ва фармондеҳи Қӯшунҳои зудамал дар назди ҳайати иштирокчиёни он оид ба амалисозии Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 сухан гуфта, ба маҳорати касбиву қобилияти ҷангӣ ва сатҳи омодагии афсарону сарбозон баҳои муносиб доданд. Таъкид карда шуд, ки ҳар яки мо ҷиҳати пешгирӣ аз хатарҳои афзояндае, чун терроризму экстремизм бояд ҳамеша пайи эҷоди роҳҳои муассири такмили касбият бошему баҳри таъмини амнияти устувор талош намоем.
Ҳамин тавр, барои хизматҳои софдилона, иштироки фаъолона дар тамринҳои ротавӣ-тактикӣ ва дастовардҳои назаррас дар иҷрои вазифаҳои хизматӣ як зумра иштирокчиёни фаъоли тамринҳо бо ифтихорномаву сипоснома ва мактубҳои миннатдорӣ ба волидон сарфароз гардонида шуданд.
АКС: Вазорати мудофиаи Ҷумҳурии Тоҷикистон
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
