Дар Тошканд ҷаласаи 10-уми Комиссияи муштараки байниҳукуматии Тоҷикистон ва Узбекистон доир гардид

Май 12, 2023 19:24

ДУШАНБЕ, 12.05.2023. /АМИТ «Ховар»/. Имрӯз ҳайати Тоҷикистон бо роҳбарии Сарвазири мамлакат Коҳир Расулзода  ҷиҳати  иштирок дар ҷаласаи 10-уми Комиссияи муштараки байниҳукуматӣ ба Ҷумҳурии Узбекистон сафар намуд, хабар медиҳад АМИТ «Ховар».

Дар фурудгоҳи байналмилалии Тошканд ҳайати Тоҷикистонро Сарвазири Ҷумҳурии Узбекистон Абдулло Орипов гарму самимӣ пешвоз гирифт.

Худи ҳамин рӯз Президенти Ҷумҳурии Узбекистон Шавкат Мирзиёев Сарвазири Ҷумҳурии Тоҷикистон Коҳир Расулзодаро ба ҳузур пазируфт.

Дар мулоқот вобаста ба масъалаҳои густариши минбаъдаи ҳамкории гуногунсамт, таҳкими муносибатҳои дӯстӣ, ҳамсоягии нек ва шарикии стратегии Узбекистон ва Тоҷикистон таъкид карда шуд.

Сатҳи баланди ҳамкории кунунӣ, ки ба туфайли иродаи сиёсӣ ва амалҳои қатъии роҳбарони ду давлат ба даст омадааст, бо қаноатмандии амиқ таъкид гардид.

Зимни мулоқот ба татбиқи лоиҳаҳои самарабахш дар соҳаҳои савдо, мошинсозӣ, энергетика, маъдан, кишоварзӣ, саноати бофандагӣ, нақлиёт, сайёҳӣ ва тандурустӣ таваҷҷуҳи махсус зоҳир карда шуд. Ҳамчунин робитаҳои фаъол дар сатҳи минтақавӣ ва тиҷоратӣ, барномаҳои мубодилаи фарҳангию гуманитарӣ идома хоҳанд ёфт.

Идомаи рӯз дар пойтахти  Ҷумҳурии Узбекистон — шаҳри Тошканд ҷаласаи 10-уми Комиссияи байниҳукуматии Ҷумҳурии Тоҷикистон ва Ҷумҳурии Узбекистон бо иштироки сарвазирони ҳар ду давлат Қоҳир Расулзода ва Абдулло Орипов дар ҳайатҳои маҳдуд доир шуд.

Дар ҷаласа ҳамкории тиҷоративу иқтисодии байни ду мамлакат баррасӣ гардид.

Зимни мулоқот ҷонибҳо вобаста ба сатҳу сифати ҳамкорӣ изҳори қаноатмандӣ намуданд.

Гуфта шуд, ки барои рушду тавсеаи ҳамкорӣ ҳоло ҳам имкониятҳои истифоданашуда зиёданд ва бояд онҳо истифода гарданд.

Ҷаласаи 10-уми Комиссияи байниҳукуматии Тоҷикистону Узбекистон бо иштироки сарвазирони ҳар ду давлат дар ҳайати васеъ идома ёфт.


Ҷонибҳо изҳори умедворӣ намуданд, ки робитаҳои дуҷонибаи судманди Тоҷикистону Узбекистон, ки дар партави сиёсати башардӯстонаи сарони ду давлати дӯсту бародар — Эмомалӣ Раҳмон ва Шавкат Мирзиёев роҳандозӣ гардидаанд, дар оянда низ марҳилаҳои рушду тавсеаи бештарро фаро хоҳанд гирифт.

Дар мулоқот ҳамзамон дигар масъалаҳои мавриди таваҷҷуҳи ҷонибҳо баррасӣ шуд.

Дар охир Протаколи ҷаласаи 10-уми Комиссияи байниҳукуматӣ оид ба ҳамкории тиҷоратию иқтисодӣ байни Ҷумҳурии Тоҷикистон  ва Ҷумҳурии Узбекистон ба имзо расид. Ҳамчунин Нақшаи муштараки чорабиниҳо оид ба ташкили минтақаи озоди саноатию тиҷоратии Тоҷикистону Узбекистон дар нуқтаҳои сарҳадгузари «Фотеҳобод»-«Ойбек» ва Нақшаи ҳамкорӣ байни Вазорати рушди иқтисод ва савдои Ҷумҳурии Тоҷикистон ва Вазорати иқтисод ва молияи Ҷумҳурии Узбекистон тасдиқ карда шуд.

Ҳамин тавр сафари Сарвазири Ҷумҳурии Тоҷикистон дар Ҷумҳурии Узбекистон анҷом ёфт.

АКС: АМИТ «Ховар»

Май 12, 2023 19:24

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад