Дар Вазорати мудофиаи Тоҷикистон вобаста ба пешгирӣ аз сар задани сӯхтор машғулияти амалӣ доир гардид
ДУШАНБЕ, 09.05.2023 /АМИТ «Ховар»/. Бо иштироки дастаи Сарраёсати Хадамоти давлатии оташнишонии Вазорати корҳои дохилӣ, дастаи сӯхторхомушкунии Вазорати мудофиа ва ҳайати шахсии шуъбаи истифодаи иншоот ва бехатарии зиддисӯхтори Раёсати истифодабарии манзилии ин ниҳоди қудратии мамлакат вобаста ба пешгирӣ аз сар задани сӯхтор дар пойгоҳи яке аз иншооти муҳими хизматрасонӣ дар самти ақибгоҳ машғулияти амалӣ доир карда шуд. Дар ин хусус ба АМИТ «Ховар» дар Вазорати мудофиаи Тоҷикистон хабар доданд.
Қабл аз оғози машғулияти амалии сӯхторнишонӣ масъулини соҳа дар синфхонаҳои таълимии тобистона бо ҷалби дастаи оташхомӯшкунии яке аз қисмҳои ҳарбӣ дарсҳои назариявӣ доир намуда, мавзуъҳои марбут ба ин самт, аз ҷумла роҳҳои ҳимоя аз оташ ва дигар моддаҳои тарканда, пешгирӣ аз сӯхтор ва бартарафсозии оқибатҳои нохуши онро мавриди омӯзиш қарор доданд.
Тибқи нақша, ин гуна машғулият пайваста доир карда шуда, гурӯҳи сарбозон аллакай талаботи меъёру стандартҳо, қоидаву дастур оид ба таъмини бехатарӣ аз сӯхторро аз худ намудаанд. Онҳо метавонанд вазифаву уҳдадориҳои хешро дар самти чораҳои аввалини зидди сӯхтор истифода карда, дар шароити бехатар нигоҳ доштани бинову иншоот ва воситаҳои маҳдуд сохтани паҳншавии оташро дар сатҳи зарурӣ ташкил намоянд.
Тибқи иттилои масъулин, онҳо нақша доранд, ки чунин корҳои фаҳмондадиҳиву омӯзиширо дар дигар бинову иншооти ҷузъу том ва қисму воҳидҳои ҳарбии Вазорати мудофиа гузаронанд.
АКС: Вазорати мудофиаи Ҷумҳурии Тоҷикистон
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
