Дастаи мунтахаби наврасони Тоҷикистон (U-17) дар чемпионати CAFA-2023 байни ҷавонон иштирок мекунад
ДУШАНБЕ, 17.05.2023 /АМИТ «Ховар»/. Аз 21 то 28 май дар шаҳрҳои Душанбе ва Турсунзода чемпионати Ассотсиатсияи футболи Осиёи Марказӣ байни дастаҳои ҷавонони то 20-сола баргузор мешавад. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар мусобиқа дастаи мунтахаби наврасони Тоҷикистон (U-17) оид ба футбол таҳти роҳбарии Раҳматулло Фузайлов бозӣ мекунад. Барои дастаи мунтахаби Тоҷикистон чемпионати CAFA-2023 яке аз марҳилаҳои охирини омодагӣ ба қисми финалии Ҷоми Осиё-2023 мебошад, ки аз 15 июн то 2 июл дар Таиланд баргузор мешавад.
Рақибони дастаи мунтахаби миллии Тоҷикистон дар чемпионати CAFA-2023 байни ҷавонон дастаҳои Эрон, Узбекистон, Туркманистон ва Афғонистон мебошанд.
Дар маҷмуъ дар доираи чемпионати Ассотсиатсияи футболи Осиёи Марказӣ байни дастаҳои ҷавонони то 20-сола даҳ бозӣ баргузор мешавад. Панҷ вохӯрӣ дар варзишгоҳи КМВА-и Душанбе ва панҷ бозии дигар дар варзишгоҳи «ТАЛКО-Арена»-и Турсунзода баргузор мешавад.
Тибқи низомномаи мусобиқот, ҳар даста дар як давр бо ҳамдигар бозӣ мекунад. Дастаи ғолиб аз рӯйи шумораи бештари холҳо муайян мегардад.
Бояд гуфт, ки қаблан чемпионати CAFA байни ҷавонон солҳои 2016, 2019 ва 2022 баргузор шуда буд. Соли 2016 дастаи мунтахаби Узбекистон дар Тошканд ва солҳои 2019 ва 2022 дастаи мунтахаби Эрон дар Душанбе ғолиби мусобиқа гардида буд.
АКС: Федератсияи футболи Тоҷикистон
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
