«КИЛКИ САБЗ». Дар Душанбе Форуми II навқаламон ва эҷодкорони наврас оғоз ёфт
ДУШАНБЕ, 12.05.2023. /АМИТ «Ховар»/. 11 май дар доираи Нақшаи чорабиниҳои амалигардонии «Барномаи давлатии дарёфт ва рушди истеъдодҳо дар шаҳри Душанбе барои солҳои 2021-2025», ки бо қарори Раиси шаҳри Душанбе аз 24 майи соли 2021 тасдиқ гардидааст, дар Муассисаи давлатии «Маркази кӯдакон ва наврасони шаҳри Душанбе» Форуми II навқаламон ва эҷодкорони навраси шаҳри Душанбе-«Килки сабз» оғоз гардид. Дар ин хусус ба АМИТ «Ховар» сардори раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода иттилоъ дод.
Форум бо мақсади мусоидат дар дарёфт ва рушди зеҳниву эҷодии хонандагони муассисаҳои таҳсилоти миёнаи умумӣ дар соҳаи адабиёт, ҳавасмандгардонии фаъолияти мустақилонаи эҷоди асарҳои назмию насрӣ аз ҷониби онҳо, тарғиби мутолиаи китоб, ҷалби оммавии наврасон барои иштироки фаъолона дар Озмуни ҷумҳуриявии «Фурӯғи субҳи доноӣ китоб аст» роҳандозӣ гардидааст.
Дар форум беш аз 140 навраси соҳибзавқу соҳибистеъдод иштирок намуда, маҳсули эҷоди хешро муаррифӣ менамояд.
Барои муайян намудани беҳтарин шеъру ҳикояи эҷоднамудаи иштирокчиёни форум дар ҳамкорӣ бо Иттифоқи нависандагони Тоҷикистон аз ҳисоби адибони маъруфу шинохтаи мамлакат гурӯҳи экспертӣ таъсис дода шудааст.
Баъди ифтитоҳи расмии форум аз тарафи адибони шинохтаи ҷумҳурӣ «Дарси маҳорат» гузаронида шуд, ки эҷодкорони наврас доир ба паҳлуҳои гуногуни эҷоди назму наср саволу ҷавоб намуда, малакаю маҳорати худро тақвият бахшиданд.
Дар назар аст, ки рӯнамоии маҷмуаи иштирокчиёни Форуми II навқаламон ва эҷодкорони навраси шаҳри Душанбе «Килки сабз» дар арафаи таҷлили Рӯзи байналмилалии ҳифзи кӯдакон доир шавад.
АКС: Сарраёсати маорифи шаҳри Душанбе
Ҳамкории Донишгоҳи байналмилалии сайёҳӣ ва соҳибкории Тоҷикистон бо Институти стратегияи рушди илму технология ва Донишгоҳи технологии Чендуи Чин баррасӣ шуд
«Стратегияи рушди такмили ихтисос ва бозомӯзии кормандони соҳаи маориф барои давраи то соли 2030» тасдиқ гардид
Магистранти Донишгоҳи миллии Тоҷикистон дар Олимпиадаи байналмилалии Туркманистон сазовори ҷойи сеюм гардид
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
