Намояндагони ҷамъияти тоҷикони шаҳри Пенза бо донишҷӯёни тоҷик мулоқот намуданд
ДУШАНБЕ, 24.10.2026 /АМИТ «Ховар»/. Намояндагони ҷамъияти тоҷикони шаҳри Пензаи Федератсияи Русия бо омӯзгорон ва донишҷӯёни тоҷик дар Донишгоҳи давлатии Пенза мулоқот намуданд. Дар ин хусус мухбири АМИТ «Ховар» дар Русия хабар медиҳад.
Зимни мулоқот Раиси ҷамъияти тоҷикони шаҳри Пенза Олимҷон Шеров дар бораи солҳои 2025–2030 «Солҳои рушди иқтисоди рақамӣ ва инноватсия», солҳои 2022–2026 «Солҳои рушди саноат», иҷрои «Стратегияи сиёсати давлатии ҷавонон дар Ҷумҳурии Тоҷикистон барои давраи то соли 2030» ва татбиқи Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон» сухан гуфт.
Таъкид гардид, ки ҷавонон бояд дар баланд бардоштани сатҳи дониш ва маърифат, истифодаи самараноки технологияҳои муосир, пешгирии зуҳуроти номатлуб, аз ҷумла шомилшавӣ ба гурӯҳҳои экстремистию террористӣ, нашъамандӣ ва ҷинояткорӣ, инчунин таҳкими ҳисси ватандӯстӣ, худшиносӣ, эҳтиром ба муқаддасоти давлатӣ ва ҳифзи арзишҳои миллӣ саҳм гузоранд.
Гуфта шуд, ки дар шароити рушди босуръати техникаву технология ва густариши зеҳни сунъӣ илму дониш аҳаммияти бештар пайдо мекунад. Сарвати асосии давлатҳоро пеш аз ҳама инсонҳои донишманд, ҷавонони соҳибмаърифат ва кадрҳои баландихтисос ташкил медиҳанд.
Дар фарҷоми мулоқот ба донишҷӯёни тоҷик тавсия дода шуд, ки вақти худро самаранок истифода бурда, ба омӯзиши зеҳни сунъӣ, забонҳои хориҷӣ ва дастовардҳои илму технологияҳои муосир таваҷҷуҳи бештар зоҳир намоянд.
АКС: АМИТ «Ховар»
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
Дар нуҳ моҳ машғулиятҳои кӯтоҳмуддати касбомӯзиро 6597 нафар хатм намуданд
Дилрабо Мансурӣ бо ҷараёни баргузории даври ниҳоии Озмуни «Илм – фурӯғи маърифат» шинос шуд
ТАЪТИЛИ ТИРАМОҲӢ. Ин давра имконияти хуби мустаҳкам кардани робитаи наздик байни падару модар ва фарзанд аст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Нишасти вазирони маорифи давлатҳои Осиёи Марказӣ ва Муғулистон баргузор гардид
ЯК РӮЗ ДАР БОҒЧА. Таълими кӯдакон дар муассисаҳои томактабӣ аз марҳилаҳои муҳими ташаккули шахсият ба ҳисоб меравад
