Кормандони шуъбаву хадамоти фаврии мақомоти корҳои дохилии Тоҷикистон малакаи касбияшонро баланд мебардоранд
ДУШАНБЕ, 31.05.2023 /АМИТ «Ховар»/. 29 май бо мақсади баланд бардоштани савияи дониш ва малакаи касбии кормандони шуъбаву хадамоти фаврии мақомоти корҳои дохилии вилояти Суғд бо ибтикори роҳбарияти Раёсати Вазорати корҳои дохилии Тоҷикистон машғулияти таълимӣ-дастурӣ баргузор карда шуд. Дар ин хусус ба АМИТ «Ховар» дар Вазорати корҳои дохилӣ хабар доданд.
Ҳадафи машғулияти методӣ, ки дар кори он ваколатдорони фаврии шуъбаву шуъбачаҳои кофтукови ҷиноятӣ, мубориза бар зидди гардиши ғайриқонунии маводи мухаддир, огоҳонӣ ва пешгирии ҳуқуқвайронкуниҳо дар байни ноболиғону ҷавонон аз 18 шаҳру ноҳияи вилоят иштирок доштанд, огаҳӣ пайдо кардан аз услубҳои муосири коргузории фаврӣ, сифатнокии ҷараёни ҳуҷҷатнигорӣ ва истеҳсолоти оперативӣ, тактикаи ҷалби шаҳрвандон ба ҳамкорӣ ва ошкорсозии ҷиноят буд.
Таъкид гардид, ки дар ҳақиқат муқовимати устувор бар зидди экстремизму терроризм, гардиши ғайриқонунии маводи мухаддир ва дигар хатарҳои пешгӯинашавандаи ҷаҳони муосир аз ҳар корманди мақомот доштани дониш, малака ва ҷаҳонбинии васеи соҳавӣ талаб менамояд. Хадамоти фаврӣ яке аз пояҳои асосии сохтори мақомоти милитсия ба ҳисоб рафта, ҳастӣ, иқтидор ва қувваи мақомот аз фаъолияти кормандони он вобаста аст.
Дар ҷараёни ҳар мавзуъ иштирокчиёни ҳамоиш бо пешниҳоди савол маълумоти зарурӣ гирифта, паҳлуҳои гуногуни мавзуи баррасишавандаро дақиқ намуданд. Маърузачиён низ маълумоти саҳеҳи соҳавӣ пешниҳод намуданд, ки имконияти хубу муфид барои мустаҳкам кардани донишҳои назариявии кормандони фаврӣ дар самти фаъолияти оперативӣ-ҷустуҷӯӣ гардид.
Пешниҳод гардид, ки ҳамин гуна машғулияту конференсияҳои таълимӣ дар самти фаъолияти фаврӣ-ҷустуҷӯӣ бо ҷалби мутахассисони корозмуда давра ба давра баргузор карда шавад.
АКС: Вазорати корҳои дохилии Ҷумҳурии Тоҷикистон
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
