ДУШАНБЕ, 25.05.2023 /АМИТ «Ховар»/.  Муштариёнро дигар зарур намеояд, ки ба таври дастӣ комбинатсияҳои рақамиро барои фаҳмидани тавозуни телефон ё бақияи дақиқаҳову трафики тарофа ба хотир гирифта, рақамчинӣ кунанд. Барои ин воридшавӣ ба замимаи «МегаФон Life» аллакай кофист. USSD-дархостҳое, ки акнун нодаркор шудаанд, тадриҷан дар гузашта мемонанд.

Ҳанӯз якчанд сол пеш USSD-дархостҳо воситаи маъмулии дастраскунии маълумот дар бораи ҳолати суратҳисоби муштарии оператори имкониятҳои нави рақамӣ ба шумор мерафтанд. Акнун бошад, маҳз ҳамон иттилоот дар шакли боз ҳам қулайтар дар замимаи мобилии «МегаФон Life» дастрас мебошад. Ҳамин тариқ, комбинатсияи *100# имкон медод, ки тавозуни худ фаҳмида шавад. Ҳоло ин маълумотест, ки муштарӣ онро ҳангоми кушодани замима дар саҳифаи ибтидоӣ мебинад.

Дақиқ кардани ҳаҷми боқимондаи дақиқаҳо ва трафики интернети баста ҳамчунин дар саҳифаи асосии замима имконпазир аст. Қаблан барои ин рақамчинии USSD-дархости *104# зарур меомад.

Бояд гуфт, ки маълумотро дар бораи рақаме, ки охирин бор ба он даъват анҷом дода шуд, метавон дар қисми «Боз ҳам»-и замимаи «МегаФон Life» – дар банди «Тафсилот» ба даст овард. Дар бораи пардохти охирин маълумотро метавон аз қисми «Таърих» гирифт. Рамз барои дастраскунии маълумот оид ба тарофаи ҷорӣ зарур нест. Тамоми маълумот дар қисми «Тарофаи ман»-и замима ҷамъоварӣ шудааст.

Ба ғайр аз ин, «МегаФон Life» имкон медиҳад, ки тавозун пур карда шуда, дастрасии нисбатан босуръат ба маҳсулоту хизматрасониҳои нав таъмин карда шавад. Масалан, дар қисми «Орзу»-и замима метавон қарз гирифт, дар қисми дигаре метавон тарофаи «Биё! Бисоз»-ро, ки дар доираи он муштарӣ худ таркиби тарофа ва нархи бастаи хизматрасониҳоро бо ёрии калкулятор пешбинӣ менамояд, пайваст намуд.

Замимаи оператор бо интерфейси сода ва фаҳмо фарқ мекунад. Бандҳое, ки дар байни муштариён нисбатан серистифода мебошанд — «Тарофаи ман», «Ҳамён», «Таърих», «QR пардохт» ва инчунин маълумот дар бораи тавозун, бақияи дақиқаҳо ва трафик дар саҳифаи асосӣ ҷойгир мебошанд. Замима пайваста нав карда шуда, функсионали он дар реҷаи нон-стоп васеъ мегардад. Ҳармоҳа мутахассисони ширкат то ду релизи замимаро таҳия мекунанд. Ба шарофати ин ба истифодабарандагони «МегаФон Life» ҳамаи хизматрасониҳою тарофаҳои нави оператор дастрас мебошанд.

Замимаро метавон дар AppStore, Google Play ва Huawei App Gallery боргирӣ  намуд.

АКС: МегаФон Тоҷикистон