Намояндаи Тоҷикистон дар конференсияи байналмилалӣ дар шаҳри Остонаи Қазоқистон иштирок дорад
ДУШАНБЕ, 18.05.2023. /АМИТ «Ховар»/. 17 май дар шаҳри Остонаи Ҷумҳурии Қазоқистон бо ташаббуси Шабакаи минтақавии соҳаи хизмати давлатии Остонаи Ҷумҳурии Қазоқистон дар мавзуи «Меритократия*. Поквиҷдонӣ. Инноватсия» конференсияи байналмилалӣ ифтитоҳ ёфт. Тоҷикистонро дар ин конференсияи байналмилалӣ муовини директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода намояндагӣ дорад. Дар ин хусус ба АМИТ «Ховар» дар Агентии хизмати давлатӣ хабар доданд.
Мавриди тазаккур аст, ки Шабакаи минтақавии соҳаи хизмати давлатии Остонаи Ҷумҳурии Қазоқистон 42 давлат ва 25 ташкилоти байналмилалии аъзоро фаро гирифта, Ҷумҳурии Тоҷикистон низ ҳамчун муассис ва узви комилҳуқуқ бо ин шабака ҳамкорӣ дорад. Хизматчиёни давлатии Ҷумҳурии Тоҷикистон бо даъвати он мунтазам барои омӯзиши таҷрибаи кишварҳои пешрафта дар самти хизмати давлатӣ ва рушди низоми идоракунӣ дар барномаҳои мухталифи сатҳи байналмилалӣ иштирок менамоянд.
Дар конференсияи мазкур дар шаҳри Остонаи Ҷумҳурии Қазоқистон муовини директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода дар доираи барномаи он дар радифи таҷрибаи соҳавии маърузачиён аз давлатҳои Қазоқистон, Узбекистон, Қирғизистон, Озарбойҷон, Корея, Молдова, Канада, Белгия, Чин, Филиппин, Ҳиндустон, Гурҷистон, Фаластин, Малдив, Эстония, ИМА ва Туркия вобаста ба ташаккул ва рушди хизмати давлатӣ дар Ҷумҳурии Тоҷикистон, имконоти рушди захираҳои инсонӣ, таҳсил ва такмили ихтисоси хизматчиёни давлатӣ, татбиқи технологияҳои кадрӣ ва муносибатҳои байналмилалии Тоҷикистон дар рушди хизмати давлатӣ маърузаи таҳлилии соҳавӣ намуд.
Ҳадафи баргузории конференсияи байналмилалӣ — табодули таҷриба дар соҳаи хизмати давлатӣ дар байни давлатҳои аъзои Шабакаи минтақавии соҳаи хизмати давлатӣ вобаста ба татбиқ ва амалигардонии принсипи меритократия*, поквиҷдонӣ ва инноватсия дар низоми идоракунии давлатӣ ва дарёфти механизмҳои инноватсионии масъалаҳои соҳаи хизмати давлатӣ ва идоракунии давлатӣ бо мутахассисон ва коршиносони соҳаи хизмати давлатии кишварҳо мебошад.
АКС: Агентии хизмати давлатии назди Президенти Ҷумҳурии Тоҷикистон
________
МЕРИТОКРА́ТИЯ*- аз калимаи лотинии meritus-арзанда ва юнонии ϰράτος – ҳокимият гирифта шуда, ҳокимияти арзандаҳо ва шакли идоракуниро ифода мекунад, ки дар заминаи он принсипи хизмати фардӣ гузошта шудааст.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
