«ОМӮЗГОРИ СОЛ-2023». Дар Бадахшон ғолиби озмуни вилоятӣ муайян гардид
ХОРУҒ, 08.05 2023 /АМИТ «Ховар»/. Дар Вилояти Мухтори Кӯҳистони Бадахшон озмуни вилоятии «Омӯзгори сол 2023» бо иштироки 8 довталаб ба поён расид ва омӯзгори сол муайян гардид, хабар медиҳад мухбири минтақавии АМИТ «Ховар» Файз Мирасан.
Баланд бардоштани салоҳиятнокӣ, сайқал додани маҳорати касбӣ ва паҳн намудани таҷрибаи пешқадами омӯзгорон яке аз ҳадафҳои ин озмун ба шумор меравад. Бо қарори мушовираи Вазорати маориф ва илми Ҷумҳурии Тоҷикистон бо мақсади пайдо намудани омӯзгорони эҷодкору ташаббускор ва навовар ҳамасола озмуни «Омӯзгори сол» баргузор мегардад. Соли равон дар озмуни вилоятии «Омӯзгори сол 2023» 8 довталаб иштирок намуда, давоми се рӯз аз рӯи 7 шарт байни ҳам рақобат намуданд.
Ғолиби ҷойи аввали озмуни вилоятии «Омӯзгори сол 2023» Дилдор Суҳробов дониста шуд. Ҷои дуюмро омӯзгори Муассисаи таҳсилоти миёнаи умумии рақами 12-уми ноҳияи Шуғнон Камила Ниёзова ба даст овард. Мақоми сеюмро дар ин озмун омӯзгори муассисаи таҳсилоти миёнаи рақами сеюми ноҳияи Дарвоз Дороб Маҳмудов гирифт.
Дар ҷамъбасти озмун сардори Раёсати маорифи вилоят нақши омӯзгоронро дар бунёди давлатдории навини тоҷикон ва таълиму тарбияи насли даврони истиқлол барҷаста хонда, изҳор дошт, ки Пешвои миллат барҳақ фармудаанд: «Миллате, ки омӯзгори асил надорад, ҳеҷ гоҳ ба ягон мартаба намерасад. Ифтихор ва сари баланди мост, ки тоҷикон аз қадим соҳиби китобу қалам, илму маърифат ва олиму омӯзгор буданд, ҳастанд ва дар оянда низ хоҳанд монд».
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
