Шуъбаи сироятии Беморхонаи марказии шаҳри Турсунзода пас аз таъмир ба истифода дода шуд
ДУШАНБЕ, 03.05.2023. /АМИТ «Ховар»/. 2 май шуъбаи сироятии Беморхонаи марказии шаҳри Турсунзода пас аз таъмир бо таҷҳизот ва лавозимоти тиббӣ таъмин гардида, ба истифода дода шуд. Дар ин хусус ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Дар маросими ифтитоҳи он роҳбарияти Вазорати тандурустӣ ва ҳифзи иҷтимоӣ ва роҳбарияти шаҳри Турсунзода, шарикон оид ба рушд, роҳбарият ва кормандони соҳаи тандурустии шаҳр иштирок намуданд.
Гуфта шуд, ки бинои шуъбаи мазкур бо дастгирии Ҳукумати Ҷумҳурии Тоҷикистон ва дар ҳамкорӣ бо шарикон оид ба рушд аз таъмир бароварда шуда, бо таҷҳизот ва лавозимоти тиббӣ таъмин карда шудааст.
Махсусан ҳуҷраҳои шуъба бо катҳои нав, таҷҳизоту лавозимоти зарурӣ ва хати оби нӯшокӣ таъмин гардидааст.
Зимни суҳбат бо кормандони шуъбаи мазкур таъкид гардид, ки пешгирии бемориҳои гуногун, хосатан бемориҳои сироятӣ дар маркази диққати давлат ва Ҳукумати мамлакат қарор дошта, дар ин самт пайваста тадбирҳои муҳиму саривақтӣ амалӣ карда мешавад.
Аз ҷумла, дар доираи чунин иқдом таъмир ва навсозии шуъбаҳои сироятии тамоми муассисаҳои тандурустии шаҳру навоҳии мамлакат бомаром идома дошта, аллакай дар ин самт корҳои зиёд ба анҷом расонида шудааст.
Аз кормандони шуъбаи мазкур даъват ба амал оварда шуд, ки бо истифода аз шароит ва имконияти мавҷуда баҳри таъмини солимии аҳолӣ боз ҳам кӯшиш намоянд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
