СУРАТ-ДАЛЕЛ. Осорхонаи таърихию кишваршиносии Балҷувон бозгӯи тамаддуни қадимии тоҷикон аст
ДУШАНБЕ, 18.05.2023 /АМИТ «Ховар»/. Дар солҳои Истиқлоли давлатӣ дар доираи сиёсати фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон дар минтақаҳои гуногуни мамлакат, аз ҷумла дар ноҳияи кӯҳистони Балҷувон Осорхонаи таърихию кишваршиносӣ бунёд гардида, дар он 1500 нигора, бозёфт ва аксу мусаввараҳо маҳфуз дошта мешавад, ки марбут ба давраҳои гуногуни таърихӣ буда, насли ояндаро бо тамаддуну таърихи ниёгонамон шинос месозанд.
Дар толорҳои осорхона осори ҳунарҳои мардумӣ — заргарӣ, кулолгарӣ, оҳангарӣ, мисгарӣ аз асрҳои 9 то 19 ва дигар бозёфтҳо нигаҳдорӣ мешаванд.
Осорхонаи таърихию кишваршиносии ноҳияи Балҷувон барои дар руҳияи ватандӯстӣ, арҷ гузоштан ба тамаддуни миллат ва шинохти шахсиятҳои таърихии халқи тоҷик тарбия намудани насли наврасу ҷавон нақши назаррас мегузорад. Зеро дар ин ҷо доир ба давлатдорӣ, муборизаву ҷоннисориҳои фарзандони барӯманди миллат- Исмоили Сомонӣ, Спитамен, Муқаннаъ, Сумбоди Муғ, Деваштич, Абӯмуслими Хуросонӣ, Яъқуби Лайс, Темурмалик, Восеъ ва дигарон маълумот гирд оварда шудааст.
Дар Рӯзи байналмилалии осорхонаҳо хабарнигори АМИТ «Ховар» аз Осорхонаи таърихию кишваршиносии ноҳияи Балҷувон суратгузориш омода намудааст, ки онро ба маърази тамошои хонандагони сомона мегузорем.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
