Туҳфаҳои Пешвои миллат Эмомалӣ Раҳмон дар шаҳри Ҳисор ба иштирокчиёни Ҷанги дуюми ҷаҳон расонида шуд
ҲИСОР, 06.05.2023 /АМИТ «Ховар»/. 3 май бо мақсади арҷгузорӣ ба хизматҳои фарзандони баруманди миллат дар роҳи ҳифзи Ватан дар даврони Ҷанги дуюми ҷаҳон (солҳои 1941-1945) намояндаи Ҳукумати Ҷумҳурии Тоҷикистон, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода ва муовини якуми Раиси шаҳри Ҳисор Сироҷиддин Каримзода дар ҷамоатҳои деҳоти Алмосӣ ва Ҳисор ба ду нафар иштирокчии ҷанг — Карим Рашид дар деҳаи Суғдиён ва Раҷаб Исмонов дар деҳаи Ҳаёти Нав кумаки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон расонида шуд. Дар ин бора котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини Маҳмуд иттилоъ дод.
Ба иштирокчиёни Ҷанги дуюми ҷаҳон аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ғамхорӣ зоҳир мегардад.
Намояндаи Дастгоҳи иҷроияи Президенти Ҷумҳурии Тоҷикистон бо шароити зиндагии иштирокчиёни ҷанг шинос гардида, аз мушкилоти рӯзгорашон пурсон шуд ва ба онҳо туҳфаҳои пулии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро тақдим намуд.
Дар ин дидорбиниҳо иброз гардид, ки қадрдонии онҳо гиромидошти корнамоиву ҷоннисориҳои фарзандони ин сарзамин аст, ки дар ёду хотираҳо то ҳол нақш баставу эҳтирому самимияти мардуми мамлакатро нисбат ба онҳо бештар менамояд. Хизматҳои ин фарзонафарзандони миллат ҳеҷ гоҳ фаромӯш намешавад ва кору пайкори онҳо ҷиҳати тарбияи насли наврас дар роҳи ватандӯстӣ барои ҳамешагӣ намунаи мактаби ҷасорату мардонагӣ боқӣ мемонад.
Иштирокчиёни Ҷанги дуюми ҷаҳон дар навбати худ ба Президенти Тоҷикистон, Пешвои миллат муҳтарам Эмомалӣ Раҳмон ҷиҳати дастгириву ғамхорӣ ва таваҷҷуҳи пайваста нисбат ба онҳо ва собиқадорони меҳнат, ятимону бепарасторон бо самимият ва эҳтиром изҳори минатдорӣ намуда, бо шукргузорӣ аз таъмини сулҳу субот ва ободию пешрафти мамлакат дар ҳаққи Сарвари давлат дуои нек карданд.
Дар ин вохӯриҳо аз ҷониби хонандагони Муассисаи таҳсилоти хусусии “Нури ирфон” барномаи хурди консертӣ пешниҳоди ҷанговарон гардида, наврасон аз сурудҳои машҳуру маъмули даврони ҷанг, амсоли «Катюша» ва ғайра порчаҳо суруданд ва бо қироати шеъру тарона ва қиссаҳои ҷолиб хотири иштирокчиёни ҷангро шод гардониданд.
АКС: Мақомоти иҷроияи ҳокимияти давлатии шаҳри Ҳисор
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
