Дар Амрико бар асари гирдбоди харобиовар беш аз 20 нафар осеб диданд

ДУШАНБЕ, 21.06.2023 /АМИТ «Ховар»/. Шаби гузашта дар иёлати Миссисипи Амрико бар асари чанд гирдбоди харобиовар як нафар ҳалок ва беш аз 20 нафар маҷруҳ шуданд, хабар медиҳад Агентии байналмилалии иттилоотии «Kazinform» бо истинод ба «Euronews».

Шаҳраки Луин хисороти бештар дидааст. Аз наворҳо ва аксҳое, ки аз ҳаво гирифта шудаанд, харобазор, хонаҳои валангор ва дарахтони решаканшуда дида мешаванд. Дар шаҳри Мосс-Пойнт низ, ки аз гирдбод осеб дидааст, ҳафт нафар дар дохили бинои бонк дармондаанд. Наҷотдиҳандагон ба кумаки онҳо омаданд.

Гурӯҳҳои фаврӣ хисоротро арзёбӣ менамоянд ва дар баъзе минтақаҳо бинобар канда шудани хатҳои барқ ​​ҳавопаймоҳои бесарнишин сафарбар карда шудаанд. Мақомоти маҳаллӣ гузориш медиҳанд, ки роҳҳо ва дигар зерсохторҳо хароб гардидаанд.

Дар қисмати марказии Миссисипи беш аз 49 ҳазор хона бар асари шамоли сахт бе барқ ​​монданд.

АКС: Euronews