Дар Бохтар волидон ва омӯзгорони хонандагони фаъол қадрдонӣ шуданд
ДУШАНБЕ, 06.06.2023. /АМИТ «Ховар»/. Дар шаҳри Бохтар зимни маросими тантанавӣ волидайне, ки фарзандонашон дар олимпиадаҳо ва мусобиқаҳои ҷумҳуриявию байналмиллалӣ ҷойҳои намоёнро ба даст овардаанд, ҳавасманд гардонида шуданд, хабар медиҳад АМИТ «Ховар» бо истинод ба Раёсати маорифи вилояти Хатлон.
Тибқи иттилои манбаъ, дар маросими мазкур ҳамзамон омӯзгороне, ки шогирдонашон дар олимпиадаҳо медал ба даст овардаанд, бо мукофотҳои пулӣ қадрдонӣ карда шуданд.
Мукофотҳоро Раиси шаҳри Бохтар, сардори Раёсати маорифи вилояти Хатлон, раиси Иттифоқҳои касабаи кормандони соҳаи маориф ва илми вилояти Хатлон ва дигар меҳмонон ҳамчун туҳфаи Мақомоти иҷроияи ҳокимияти давлатии шаҳри Бохтар ба падару модарон, омӯзгорон ва хонандагон тақдим намуданд.
Дар маросим сардори Раёсати маорифи вилояти Хатлон Ғазалшоҳ Сафарзода низ барои ҳамкорӣ ва нишон додани ташаббусҳои нав дар соҳа аз тарафи Раиси шаҳри Бохтар бо «Сипоснома» қадрдонӣ карда шуд.
Бояд тазаккур дод, ки ин иқдоми наҷиб дар асоси дастуру супоришҳои Пешвои миллат, Президенти мамлакат муҳтарам Эмомалӣ Раҳмон ҷиҳати рушди соҳаи маориф ва баланд гардидани сатҳу сифати таълиму тарбияи насли наврас дар ҷумҳурӣ ба роҳ монда шудааст.
Мавриди тазаккур аст, ки ҳамзамон ин иқдоми нек дар самти ҳавасмандгардонии омӯзгорону падару модарон дар омода намудани хонандагон барои иштирок дар олимпиада ва дигар озмунҳо мусоидат менамояд.
АКС: Раёсати маорифи вилояти Хатлон
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
