Дар Хоруғ масъалаи тақвияти фаъолияти идеологӣ бо мақсади татбиқи муқаррароти Қонун «Дар бораи ватандӯстии шаҳрвандон» баррасӣ гардид
ДУШАНБЕ, 24.06.2023. /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон бо иштироки муовини Сарвазири Ҷумҳурии Тоҷикистон Матлубахон Сатториён семенар — машварат баргузор гардид, ки дар он масъалаи тақвияти фаъолияти идеологӣ бо мақсади татбиқи муқаррароти Қонуни Ҷумҳурии Тоҷикистон «Дар бораи ватандӯстии шаҳрвандон» мавриди баррасӣ қарор дода шуд. Дар ин хусус АМИТ «Ховар» бо истинод ба мақомоти иҷроияи ҳокимияти давлатии вилоят хабар медиҳад.
Дар ҷамъомад муовини Сарвазири мамлакат аз дастоварду пешравиҳои ҷумҳурӣ дар солҳои Истиқлоли давлатӣ, ки маҳз таҳти сиёсати хирадмандонаю дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омаданд, ёдоварӣ намуд.
Таъкид гардид, ки дар баробари дигар шаҳру ноҳияҳои вилоят, Вилояти Мухтори Кӯҳистони Бадахшон дар ин давра дар тамоми самтҳои иқтисодию иҷтимоӣ рушд намуда, раванди бунёдкорию созандагӣ дар вилоят вусъати тоза пайдо намуд. Дар ин замина, тақвият бахшидани корҳои идеологӣ, тарбияи ватандӯстии шаҳрвандон, баланд бардоштани ҳувияти миллӣ, ҳисси ватандӯстию ватанпарастии шаҳрвандон, бахусус ҷавонон муҳим арзёбӣ карда шуд.
Ҳамзамон ҷиҳати пурзӯр намудани корҳои идеологӣ дар байни ҷомеа, ҷалби аҳолӣ ба корҳои созандагиву бунёдкорӣ, пешвози арзандаи Ҷашни 35 — солагии Истиқлоли давлатӣ ба масъулини шаҳру ноҳияҳои вилоят дастуру супоришҳои мушаххас дода шуд.
Дар ҷараёни семинар-машварат дар масъалаи идеологӣ, ҳамоҳангсозии фаъолияти сохторҳои идеологӣ ва дигар паҳлуҳои муҳими мавзуи мавриди назар изҳори андеша карда шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
