Дар Раёсати Вазорати корҳои дохилӣ дар шаҳри Душанбе бахшида ба Рӯзи Ваҳдати миллӣ ҳамоиш доир гардид

Июнь 24, 2023 15:11

ДУШАНБЕ, 24.06.2023. /АМИТ «Ховар»/.  Дар Раёсати Вазорати корҳои дохилӣ дар шаҳри Душанбе бахшида ба 26-умин солгарди Рӯзи Ваҳдати миллӣ ҳамоиши тантанавӣ доир гардид. Дар ин хусус АМИТ «Ховар» бо истинод ба маркази матбуоти Раёсати мазкур хабар медиҳад.

Дар ҳамоиш  иброз гардид, ки  ба қадри зиндагии орому осоиштае, ки мо, аҳли мамлакат  имрўз дорем, бояд расид ва барои ин неъмати бузургтарини ҳастӣ ба Президенти мамлакат, Пешвои миллат муҳтарам Эмомалӣ Раҳмон – фарзанди содиқи Ватан, ки дар лаҳзаҳои басо душвору хатарнок  корнамоиҳо нишон дода, ҷони худро зери хатар гузоштанд ва сулҳу суботро дар ҷумҳурӣ барқарор намуданд, изҳори миннатдорӣ намоем.

Тазаккур дода шуд, ки имрӯз дар фазои Тоҷикистон ваҳдату ҳамдилӣ ва сулҳу субот ҳукмфармо аст, ки  мояи хушҳоливу шукргузорист. Аз ҳар як шаҳрванд, махсусан кормандони мақомоти ҳифзи ҳуқуқ талаб карда мешавад, ки бо мақсади пойдор нигоҳ доштани ин неъмати бебаҳо ба савганди хеш содиқ монда, тамоми донишу малакаи касбии худро барои хизмат ба Ватан сарф намоянд.
Таъкид гардид, ки   дар он  замони сахту душвор,  дар баробари кормандони сохторҳои дигари ҳифзи ҳуқуқ,  кормандони мақомоти корҳои дохилии пойтахт низ дар ҳифзи тартиботи ҷамъиятӣ, пешгирӣ ва ошкорсозии ҷинояткорӣ, таҳкими пояҳои давлатдориву ба даст овардани ваҳдати миллӣ нақши муҳим  доранд.

Гуфта шуд, ки милитсияи пойтахт ҳамеша дар пайи таъмини амнияту субот ва ҳифзи арзишҳои давлатдорӣ ҳамаи имкониятҳои мавҷударо истифода менамояд, то ки сокинону меҳмонони пойтахт ҳамеша бо эҳсоси амну оромӣ кору фаъолият ва зиндагӣ намоянд.
Дар қисмати охири чорабинии мазкур бахшида ба Рӯзи Ваҳдати миллӣ як қатор кормандони милитсияи пойтахт ба рутбаҳои навбатӣ сарфароз гардонида шуданд.

АКС: Раёсати Вазорати корҳои дохилӣ дар шаҳри Душанб

Июнь 24, 2023 15:11

Хабарҳои дигари ин бахш

Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд
Котиби Шурои амнияти Тоҷикистон дар вохӯрии котибони Шуроҳои амнияти кишварҳои ИДМ иштирок намуд