Дар вилояти Абайи Қазоқистон теъдоди ҳалокшудагон бар асари сӯхтори ҷангал ба 14 нафар расид
ДУШАНБЕ, 12.06.2023 /АМИТ «Ховар»/. Дар вилояти Абайи Қазоқистон теъдоди ҳалокшудагон бар асари сӯхтори ҷангал ба 14 нафар расид. Тавре АМИТ «Ховар» бо истинод ба агентии «Синхуа» иттилоъ медиҳад, дар ин хусус рӯзи шанбе дафтари матбуоти Вазорати ҳолатҳои фавқулодаи Қазоқистон хабар додааст.
«Мувофиқи маълумоти ситоди фаврӣ оид ба хомӯш кардани сӯхтор, ҳангоми гузаронидани чорабиниҳои оперативӣ — ҷустуҷӯӣ дар вилояти Абай ҷасади 11 нафари дигар пайдо шудааст. Шахсияти фавтидагон муайян карда мешавад», — омадааст дар хабаре, ки дар саҳифаи Telegram-и Вазорати ҳолатҳои фавқулодаи Қазоқистон нашр шудааст.
Қаблан ҷасади се корманди гумшудаи хоҷагии ҷангал пайдо шуда буд. Ҳамин тавр, шумораи ҳалокшудагон ба 14 нафар расид.
Дар хомӯш кардани сӯхтори ҷангал зиёда аз ҳазор одам, 252 техникаи Вазорати ҳолатҳои фавқулода, Кумитаи хоҷагии ҷангал, мақомоти иҷроияи маҳаллӣ ва Вазорати мудофиа ҷалб карда шудаанд. Инчунин 11 чархбол ҷалб гардидааст, ки аз оғози сӯхтор 263 амали партофтани обро бо ҳаҷми 590 тонна анҷом доданд.
Сӯхтор дар минтақаи хоҷагии ҷангали Батпаевск 8 июн сар зада, масоҳати сӯхтор зиёда аз 60 ҳазор гектарро ташкил медиҳад.
АКС: АБИ «Казинформ»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
