Хонандагони Душанбе дар истироҳатгоҳҳои тобистонаи ноҳияи Варзоб таътили тобистонаро хуш мегузаронанд
ДУШАНБЕ, 16.06.2023 /АМИТ «Ховар»/. Истироҳатгоҳи тобистонаи «Орзу», воқеъ дар минтақаи Варзоб, имсол аз 13 июн ба фаъолият оғоз кард. Дар басти аввали он 225 нафар хонандагони мактабҳои таҳсилоти миёнаи умумии ноҳияи Фирдавсӣ ба истироҳат фаро гирифта мешаванд. Дар ин хусус ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Истироҳатгоҳи «Орзу» бо таҷҳизоти замонавӣ ҷиҳозонида шуда, кўдакону наврасон дар ин ҷо ҳар рӯз ба бозиҳои гуногуни шавқовари варзишӣ машғул мешаванд. Дар барномаҳои фарҳангӣ, ки ҳар рўздоир мешаванд, зери таронаҳои марғуб рақсида, якҷоя суруд хонда, бо якдигар хушиву хурсандӣ менамоянд.
Истироҳатгоҳи дигар бо номи «Гулхан», ки дар наздикии истироҳатгоҳи «Орзу» ҷойгир аст, дар ин баст 200 хонандаро аз ноҳияи Синои пойтахт ба истироҳат фаро хоҳад гирифт. Дар ин истироҳатгоҳ кӯдакон субҳро соати 6:30 бо машқҳои пагоҳӣ оғоз намуда, пас аз тартиботи пагоҳирӯзӣ соати 7:30 субҳона мехӯранд. Дар ин ҷо бачаҳо ба шоҳмот, футбол, волейбол ва дигар бозиҳои варзишӣ машғул мешаванд. Дар истироҳатгоҳ ҳавзҳо мавҷуданд, ки дар онҳо бачаҳо оббозӣ карда, обутоб меёбанд. Расо соати 21:30 ҳама ба хоб мераванд, то саҳар бо қувваи нав ба машқҳои пагоҳирўзӣ бархезанд.
Дар истироҳатгоҳи «Зимчурӯд», ки дар як гӯшаи дигари минтақаи Варзоб ҷойгир аст, дар ин мавсим 240 нафар кӯдакону наврасони ноҳияи Шоҳмансур истироҳат мекунанд. Мактаббачагон рӯзе се вақт бо хӯроки гарм таъмин карда шуда, барои онҳо бозиҳои варзишӣ ва чорабиниҳои маданӣ-равшаннамоӣ, сайру гаштҳои кӯҳӣ ва дигар барномаҳои фароғатӣ гузаронида мешаванд. Тобистон мактаббачагон дар 4 марҳила истироҳат хоҳанд кард.
Истироҳатгоҳи «Шарора», ки дар паҳлӯи «Кӯли Душанбе»-и ноҳияи Варзоб ҷойгир аст, маконест, ки иқлими хосу мусоид дорад. Дар басти аввал 180 нафар мактаббачагони ноҳияи Исмоили Сомонӣ дар он истироҳат мекунанд. Аз рӯи анъана мактаббачагон рӯзи худро бо машқҳои пагоҳирӯзӣ оғоз намуда, наҳорӣ карда, баъдан ба бозиҳову шиноварӣ машғул мешаванд.
Бояд гуфт, ки дар ин истироҳатгоҳҳо мактаббачагон ройгон қабул карда мешаванд.
Азиза ИКРОМ,
АМИТ «Ховар»
АКС: Вазорати маориф ва илми Ҷумҳурии Тоҷикистон








Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд






