КАҲРАМОНОН НАМЕМИРАНД! Аз номи Пешвои миллат ба падари сарбози дар ҳифзи Ватан ҳалокгашта Сабриддин Ҷумаев аз ноҳияи Рашт мукофоти давлатӣ — медали «Ҷасорат» супорида шуд
РАШТ, 12.06.2023 /АМИТ «Ховар»/. Ба падари сарбози шаҳид Сабриддин Ҷумаев, ки сокини деҳаи Чорбоғи Ҷамоати деҳоти Нусратуло Махсуми ноҳияи Рашт мебошад, медали «Ҷасорат» супорида шуд. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии ноҳияи Рашт иттилоъ доданд.
Дар маросим супоридани мукофот меҳмонон, кормандони дастгоҳи раиси ноҳияи Рашт, директорони муассисаҳои таълимии ҳудуди ноҳия ва пайвандони сарбози шаҳид иштирок намуда, иброз доштанд, ки хидматҳои афсарон ва сарбозоне, ки ҳангоми ҳимояи марзи давлатӣ ба шаҳодат расидаанд, сарфи назар нагашта, аз ҷониби Ҳукумати Ҷумҳурии Тоҷикистон ва Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон қадрдонӣ хоҳанд шуд.
Ин мукофоти давлатӣ, ки аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба падари сарбози шаҳид Ҷумаев Сабриддин тақдим шуд, нишони равшан ва барҷастаи арҷ гузоштан ба хизмати афсарон ва сарбозонест, ки марзи давлат, Ватан ва миллати худро ҳимоят мекунанд ва дар таъмини сулҳ субот ва амният саҳми назаррас мегузоранд.
Ёдовар мешавем, ки тибқи Қонуни Ҷумҳурии Тоҷикистон «Дар бораи мукофотҳои давлатии Ҷумҳурии Тоҷикистон» бо медали «Ҷасорат» хизматчиёни ҳарбӣ, шахсони ҳайати қаторӣ ва роҳбарикунандаи мақомоти ҳифзи ҳуқуқ ва дигар шахсон барои ҷасорату фидокорӣ дар вазъияти ҷангӣ ва адои қарзи ҳарбӣ, хизматию шаҳрвандӣ, ҳифзи ҳуқуқҳои конститутсионии шаҳрвандон дар вазъияти барои ҳаёт хатаровар, дар ҳолатҳои шадид, ки бо наҷоти ҳаёти инсон вобаста мебошад (ҳангоми ғарқшавӣ, сўхтор, офатҳои табиӣ), сарфароз гардонида мешаванд.
АКС: Мақомоти иҷроияи ҳокимияти давлатии ноҳияи Рашт
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
