Муовини Сарвазири мамлакат Матлубахон Сатториён аз иншооти ҷашнӣ дар шаҳри Ҳисор боздид намуд
ДУШАНБЕ,12.06.2023 /АМИТ «Ховар»/. Муовини Сарвазири Ҷумҳурии Тоҷикистон Матлубахон Сатториён дар шаҳри Ҳисор бо рафти корҳои сохтмонӣ ва ободонӣ дар як қатор иншооти ҷашнӣ, ки ба истиқболи 35-солагии Истиқлолияти давлатии Ҷумҳурии Тоҷикистон бунёд карда мешаванд, шинос гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Муовини Сарвазири мамлакат дар деҳаи Лолагии Ҷамоати деҳоти Навобод бо ҷараёни корҳои сохтмон дар бинои нави маркази савдо ва хизматрасонӣ шинос гардид. Маркази мазкур аз ошхонаи миллӣ, ҳамом, сартарошхона, дӯкони гӯштфурӯшӣ, толори саққозанӣ, осиёби обӣ иборат буда, бо саҳми соҳибкор Шодӣ Қурбонов бо маблағи беш аз як миллион сомонӣ бунёд ёфта истодааст. Бо истифода додани ин иншоот дар ду ошёнаи бино 20 нафар сокинони маҳаллӣ бо ҷои кори доимӣ таъмин хоҳанд шуд.
Инчунин Матлубахон Сатториён дар деҳаи Ситораи ҷамоати мазкур бо фаъолияти фабрикаи парандапарварӣ, шинос гардиданд. Фабрика дар масоҳати умумии 4 гектар бунёд ёфта, дар он 25 ҳазор сар мурғ парвариш меёбад. Дар доираи нақшаи чорабиниҳои ҷашнии 35-солагии Истиқлолият дар шафати мурғхона сохтмони бинои иловагии мурғхона дар ду ошёна идома дошта, соҳибкор тасмим гирифтааст саршумори парандаро солҳои наздик то ба 70 ҳазор расонад. Айни ҳол дар фабрика 25 нафар бо кори доимӣ таъмин гардидаанд.
Соҳибкор Диловар Саъдуллоев аз деҳаи Тӯдаи Ҷамоати деҳоти Навобод аз ҳисоби заминҳои наздиҳавлигиаш дар майдони 0,5 гектар бо усули содда ва обмонии қатрагӣ гармхона бунёд намудааст. Тибқи иттилои соҳибкор, ҳосили бодиринг дар гармхона ҷамъоварӣ гардида, чиниши помидор оғоз шудааст.
Муовини Сарвазири мамлакат ҳамзамон бо лоиҳаи иншоот ва раванди корҳо дар бинои мактаби нав, ки барои 400 хонанда дар маҳаллаи 8-уми шаҳраки Ҳисор бунёд гардида истодааст, шинос шуд. Маблағгузории мактабро соҳибкор Рустам Саидов бар уҳда дошта, корҳои сохтмон дар иншоот бо маром идома дорад.
Матлубахон Сатториён дар деҳаҳои Даҳбед ва Чаманистони Ҷамоати деҳоти ба номи Мирзо Турсунзода бо рафти корҳои сохтмони синфхонаҳои иловагӣ дар назди мактаби №16, ки бо саҳми бародарони соҳибкор Самадовҳо ва дар назди мактаби №82 бо саҳми аҳолӣ бунёд ёфта истодааст, шинос гардид.
Муовини Сарвазири мамлакат дар Ҷамоати деҳоти Сомон аз Кооперативи тиҷоратии «Баракати Ватан» ташриф оварда, ҳамчунин дар бригадаи Азиз Қаноатов бо рафти парвариши сабзавот ва дигар намуди маҳсулот шинос шуд.
АКС: Мақомоти иҷроияи ҳокимияти давлатии шаҳри Ҳисор
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
