«НАСЛИ ХУШБАХТИ ЗАМОНИ ИСТИҚЛОЛ». Осорхонаи миллии Тоҷикистон барои кӯдакон барномаи фарҳангӣ-фароғатӣ доир намуд
ДУШАНБЕ, 01.06.2023 /АМИТ «Ховар»/. Бахшида ба Рӯзи байналмилалии ҳифзи кӯдакон имрӯз дар Осорхонаи миллии Тоҷикистон таҳти унвони «Насли хушбахти замони Истиқлол» барномаи фарҳангӣ-фароғатӣ баргузор гардид.
Сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба АМИТ «Ховар» иттилоъ дод, ки дар ҳамоиш роҳбарияту кормандони Осорхонаи миллӣ, намояндагони Муассисаи давлатии «Маркази кӯдакон ва наврасони шаҳри Душанбе», «Филармонияи давлатии бачагонаи Тоҷикистон», «Театри давлатии ҷумҳуриявии лӯхтаки шаҳри Душанбе», хона-интернати №1 ва ширхоргоҳ-кӯдакистони№1-и шаӽри Душанбе иштирок намуданд.
Директори Муассисаи давлатии «Осорхонаи миллӣ» Зафаршо Иброҳимзода гуфт, ки “ҳифзи ҳаёт, саломатӣ ва ҳуқуқҳои кӯдакон вазифаи муҳими давлат ва яке аз афзалияти асосии сиёсати Ҳукумати мамлакат буда, иқдомҳои пайвастаи Пешвои миллат муҳтарам Эмомалӣ Раҳмон ба таъмини ҳаёти осоиштаи кӯдакон, таъмин ва риояи ҳуқуқу озодиҳои онҳо, дар руҳияи меҳру муҳаббат ба Ватан ва ҳамчун насли солиму созанда тарбия ёфтани кӯдакон равона гардидааст. Дар натиҷаи ин саъю талошҳо ҳаёти фарзандони мамлакат сол аз сол беҳтару рангинтар мегардад”.
Баҳри фароғати фарҳангии кӯдакон навозиши созҳои мусиқии зарбӣ-нафасии ҳунармандони «Маркази кӯдакон ва наврасони шаҳри Душанбе» садо дод.
Дар идомаи чорабинӣ тарбиятгирандагони ширхоргоҳ-кӯдакистони №1-и шаӽри Душанбе, ҳунармандони Муассисаи давлатии «Филармонияи давлатии бачагонаи Тоҷикистон» рақсу суруд ва навозиши созҳои мусиқиро иҷро намуданд. Намоиши идонаи ҳунармандони МД «Театри давлатии ҷумҳуриявии лӯхтаки шаҳри Душанбе» хотири кӯдаконро боз ҳам болида намуд.
Дар хотимаи қисмати тантанавии ҳамоиш ба иштирокчиёни фаъол «Сипоснома»-и Муассисаи давлатии «Осорхонаи миллӣ» ва ба кӯдакон туҳфаҳои хотиравӣ тақдим гардид.
Ҳамчунин баҳри болидагии табъи кӯдакон барномаҳои «Чеӽранигор» – арт-фейс, нақшу нигори гулҳо дар дастон – «Ҳино», намоиши одамони ибтидоӣ (асри санг) ва қаҳрамонҳои филмҳои тасвирӣ баргузор гардид.
Ба воситаи баргузор намудани сайрҳои осорхонавӣ таълимгирандагони ятимхона-интернати №1-и шаҳри Душанбе бо осори таърихӣ ва дастовардҳои замони соҳибистиқлолии мамлакат шинос гардиданд.
Дар интиҳо барои таълимгирандагони ятимихона-интернати№1-и шаӽри Душанбе хӯроки нисфирӯзӣ пешниҳод гардида, бо ҳамин кӯдакон дар ин макони ҳифзи осори таърихӣ фароғати фарҳангӣ намуданд.
Ҳадаф аз баргузории чунин барномаи фарҳангӣ-фароғатӣ фароҳам овардани шароити мусоид барои фароғати кӯдакон мебошад. Зеро кӯдакон муҳимтарин сарват ва ояндаи неки имрӯзу фардои миллат буда, ғамхорӣ нисбат ба онҳо вазифаи ҳар шахс, ҷомеа ва давлат мебошад.
АКС: Осорхонаи миллии Тоҷикистон
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
