Шуъбаҳои таваллудхона ва ҷарроҳии Беморхонаи марказии ноҳияи Темурмалик навсозӣ мешавад
ДУШАНБЕ, 05.06.2023. /АМИТ «Ховар»/. Шуъбаҳои таваллудхона ва ҷарроҳии Беморхонаи марказии ноҳияи Темурмалики вилояти Хатлон таъмиру навсозӣ мегардад. Дар таъмиру навсозии иншооти мазкур беш аз 30 нафар коргарони маҳаллӣ ҷалб гардидаанд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.
Зимни шиносоии Раиси вилояти Хатлон Давлаталӣ Саид аз рафти корҳои таъмиру навсозии ин беморхона иттилоъ дода шуд, ки бо мақсади рушди соҳаи тандурустӣ дар асоси пешниҳоди Мақомоти иҷроияи маҳаллии ҳокимияти давлатии ноҳияи Темурмалик бо маблағгузории Бонки рушди Олмон дар масоҳати 3030 метри мураббаъ қитъаи замин навсозӣ шуда, дар иншооти мазкур ба маблағи 11 миллиону 158 ҳазор сомонӣ корҳои сохтмонӣ иҷро гардидааст.
Бояд тазаккур дод, ки беморхонаи мазкур дар кӯчаи А.Синои Ҷамоати шаҳраки Баҳманрӯд ҷойгир буда, соли 1988 сохта шудааст.
Беморхона дар давоми солҳои фаъолият се маротиба таъмири ҷорӣ гардида бошад ҳам, бо сабаби куҳнаю фарсуда гардиданаш ба таъмири асосӣ ва навсозӣ ниёз дошт.
Таъмиру навсозии беморхонаи мазкур аз ҷониби фармоишгар- Бонки рушди Олмон, лоиҳакаши иншоот ООО «Неъмат» бо тарҳи муосир таҳия ва тарҳрезӣ шуда, аз тарафи пудратчии он ҶДММ «ЁХСУ» сохта шуда истодааст.
АКС: Мақомоти иҷроияи ҳокимияти давлатии вилояти Хатлон
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
